15 تامىزدا سالىق ەسەپتىلىگى نىساندارىن تاپسىرۋ مەرزىمى اياقتالۋعا جاقىن. الماتى قالاسى بويىنشا مەملەكەتتىك كىرىستەر دەپارتامەنتىنىڭ وكىلدەرى وڭىرلىك كوممۋنيكاسيالار قىزمەتىنىڭ بريفينگىندە سويلەگەن سوزىندە سالىق تولەۋشىلەرگە كورسەتىلگەن مەرزىمدە قانداي نىساندا ۇسىنۋ كەرەكتىگىن ايتتى، دەپ حابارلايدى Almaty-akshamy.kz.
ەسەپتى «سالىق تولەۋشىنىڭ كابينەتى» ۆەب-قوسىمشاسى ارقىلى ۇسىنۋعا بولادى (cabinet.salyk.kz)، قاعاز تۇرىندە، سونداي-اق eSalyq Business، Halyk Bank ءموبيلدى قوسىمشالارىنىڭ كومەگىمەن جۇزەگە اسىرىلادى.
«سالىق تولەۋشىلەر تاۋارلاردى اكەلۋ جانە جاناما سالىقتاردى تولەۋ تۋرالى ءوتىنىشتى قوسپاعاندا، ەلەكتروندىق نىساندا تابىس ەتىلگەن جاعدايدا سالىق ەسەپتىلىگىن تابىس ەتۋ مەرزىمىن ۇزارتۋعا قۇقىلى. بۇدان باسقا، ارناۋلى سالىق رەجيمدەرىن قولداناتىن جەكە كاسىپكەردەن باسقا، تاۋەكەلدەردى باسقارۋ جۇيەسى بويىنشا تاۋەكەلدەردىڭ جوعارى دەڭگەيى بار سالىق تولەۋشىگە قاتىستى سالىق ەسەپتىلىگىن تابىس ەتۋ مەرزىمى ۇزارتىلمايدى. سالىق تولەۋشىنىڭ سونىمەن بىرگە، قىزمەتتى توقتاتا تۇرۋدى رەسىمدەي الاتىن زاڭدى مۇمكىندىگى بار»، - دەدى الماتى قالاسى بويىنشا مەملەكەتتىك كىرىستەر دەپارتامەنتى مەملەكەتتىك قىزمەتتەر باسقارماسىنىڭ باسشىسى باقتىگۇل سەيتوۆا.
200.00 ۇلگىسى- «جەكە تابىس سالىعى جانە الەۋمەتتىك سالىق بويىنشا دەكلاراسيا» نىسانى سالىق اگەنتىنىڭ ورنالاسقان جەرى بويىنشا سالىق ورگاندارىنا ەلەكتروندىق تۇردە ۆەب-قوسىمشا ارقىلى توقسان سايىن ەسەپتى كەزەڭنەن كەيىنگى ەكىنشى ايدىڭ 15-كۇنىنەن كەشىكتىرىلمەي بەرىلەدى.
910.00 ۇلگىسى - «شاعىن بيزنەس سۋبەكتىلەرى ءۇشىن جەڭىلدەتىلگەن دەكلاراسيا» نىسانى سالىق تولەۋشىنىڭ ورنالاسقان جەرى بويىنشا سالىق ورگانىنا ەسەپتى سالىق كەزەڭىنەن كەيىنگى ەكىنشى ايدىڭ 15-كۇنىنەن كەشىكتىرىلمەي تابىس ەتىلەدى. وڭايلاتىلعان دەكلاراسيا نەگىزىندە ارنايى سالىق رەجيمىن قولدانۋعا ارنالعان سالىق كەزەڭى جارتىجىلدىق بولىپ تابىلادى. شاعىن بيزنەس سۋبەكتىلەرى ءۇشىن وڭايلاتىلعان دەكلاراسيانى وڭايلاتىلعان دەكلاراسيا نەگىزىندە ارنايى سالىق رەجيمىن قولداناتىن شاعىن بيزنەس سۋبەكتىلەرى، زاڭدى تۇلعالار جانە جەكە كاسىپكەرلەر جاسايدى.
300.00 ۇلگىسى – «قوسىلعان قۇن سالىعى بويىنشا دەكلاراسيا» نىسانى ەسەپتى سالىق كەزەڭىنەن كەيىنگى ەكىنشى ايدىڭ 15-كۇنىنەن كەشىكتىرمەي ءاربىر سالىق كەزەڭى ءۇشىن ورنالاسقان جەرى بويىنشا سالىق ورگانىنا تابىس ەتىلەدى. قوسىلعان قۇن سالىعى بويىنشا سالىق كەزەڭى كۇنتىزبەلىك توقسان بولىپ تابىلادى.
913.00 ۇلگىسى - «بولشەك سالىقتىڭ ارناۋلى سالىق رەجيمىن قولداناتىن سالىق تولەۋشىلەر ءۇشىن دەكلاراسيا» نىسانى سالىق اگەنتىنىڭ ورنالاسقان جەرى بويىنشا سالىق ورگاندارىنا ەلەكتروندىق تۇردە كنپ ارقىلى توقسان سايىن ەسەپتى كەزەڭنەن كەيىنگى ەكىنشى ايدىڭ 15-كۇنىنەن كەشىكتىرىلمەي تابىس ەتىلەدى.
سونداي-اق، سالىق تولەۋشىلەردىڭ سالىق ەسەپتىلىگىن تابىس ەتۋ مەرزىمىن دەكلاراسيانى تابىس ەتۋ ءۇشىن بەلگىلەنگەن مەرزىمنەن باستاپ كۇنتىزبەلىك ون بەس كۇننەن اسپايتىن مەرزىمگە ۇزارتۋعا قۇقىعى بار.
«بۇل رەتتە، ارناۋلى سالىق رەجيمدەرىن قولداناتىن دارا كاسىپكەردى قوسپاعاندا، تاۋەكەلدەردى باسقارۋ جۇيەسى بويىنشا تاۋەكەلدەردىڭ جوعارى دەڭگەيى بار سالىق تولەۋشىگە (سالىق اگەنتىنە) قاتىستى سالىق ەسەپتىلىگىن تابىس ەتۋ مەرزىمى ۇزارتىلمايدى. تاۋەكەلدەردى باسقارۋ جۇيەسى بويىنشا تاۋەكەل دەڭگەيى تومەن سالىق تولەۋشىلەر ءۇشىن سالىق ەسەپتىلىگىن بەرۋ مەرزىمى سالىقتىڭ وزگە تۇرلەرى، بيۋدجەتكە تولەنەتىن تولەمدەر، الەۋمەتتىك تولەمدەر بويىنشا دەكلاراسيانى ۇسىنۋ ءۇشىن بەلگىلەنگەن مەرزىمنەن باستاپ كۇنتىزبەلىك وتىز كۇننەن اسپايتىن كەزەڭگە ۇزارتىلادى»، - دەپ اتاپ ءوتتى ب.سەيىتوۆا.
سونداي-اق، دەپارتامەنت «اكىمشىلىك قۇقىق بۇزۋشىلىق تۋرالى» ق ر كودەكسىنە سايكەس سالىق ەسەپتىلىگى ۇسىنىلماعان جاعدايدا اكىمشىلىك جاۋاپكەرشىلىك قاراستىرىلعانىن ەسكە سالدى.
سالىق ەسەپتىلىگى مەن ولاردى ۇسىنۋ ۇلگىلەرى تۋرالى تولىق اقپاراتتى دەپارتامەنت سايتىندا جانە @mkdalmaty_dgdalmaty الەۋمەتتىك جەلىلەرىندە، سونداي-اق 1414/3 ءنومىرى بويىنشا بىلۋگە بولادى.