الماتىدا ءتىل عىلىمى زەرتتەۋلەرىن ۇيلەستىرۋ ورتالىعى اشىلدى

ەلىمىزدىڭ ۋنيۆەرسيتەتتەرىندە جۇمىس ىستەيتىن قازاق ءتىلى بويىنشا ديسسەرتاسيالىق كەڭەستەر ەندى ءبىر جەردەن باسقارىلادى.

اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە ءتىل عىلىمى زەرتتەۋلەرىن ۇيلەستىرۋ ورتالىعى قۇرىلدى، Almaty-akshamy.kz 24.kz-كە سىلتەمە جاساپ. 

بۇدان بىلاي جاس عالىمداردىڭ انا تىلىمىزگە قاتىستى ديسسەرتاسيالىق جۇمىستارىنىڭ تاقىبىرى مەن زەرتتەۋ سالاسى ءبىر-بىرىن قايتالامايدى. بىلىكتى عالىمداردان قۇرالعان القا مۇشەلەرى، شاكىرتتەردىڭ عىلىمي جۇمىستارىن قاداعالاپ، باعىت-باعدار بەرىپ وتىرادى. ورتالىققا ۇلتتىق عىلىم اكادەمياسىنىڭ اكادەميگى كارىمبەك قۇرمانالييەۆ باسشىلىق ەتەدى. ماماندار: «بۇل باستاما، تىڭ ادىستەمەلىك-تەوريالىق ماتەريالداردى جىكتەپ، زەرتتەۋدى كۇشەيتۋىگە مۇمكىندىك بەرەدى»، - دەيدى. 

فاۋزيا ورازبايەۆا، ق ر ۇلتتىق عىلىم اكادەمياسىنىڭ كوررەسپوندەنت مۇشەسى: - ەڭ الدىمەن ديسسەرتاسيانىڭ تاقىرىبى بەكىتىلەردە وسى ۇيلەستىرۋ ورتالىعىنىڭ الدىنان وتەدى، كوميسسيا ونى قارايدى. ەگەر ول قايتالانسا نەمەسە ناقتى ەمەس ۇساق-تۇيەك ماسەلەنى ءسوز ەتسە ول تاقىرىپتى بەكىتپەيدى. ويتكەنى، ءقازىر كەيبىر كەڭەستەردەگى ديسسەرتاسيالار قايتالانىپ، ونىڭ ناتيجەسى دە، پايداسى دا بولماي جاتىر. ال ونى دۇرىس جولعا قويۋدىڭ باعىتىن، باعدارىن ايقىندايدى.