الماتى قالاسىندا تەرروريزمگە قارسى دايىندىقتى ارتتىرۋ ماقساتىندا ءبىرقاتار وقۋ-جاتتىعۋ ءىس-شارالارى وتكىزىلدى.
اتاپ ايتقاندا، 16-26 مامىر ارالىعىندا الماتى قالاسى بويىنشا ۇقكد تەرروريزمگە قارسى ورتالىعى (اتس) ماماندارىنىڭ ۇيىمداستىرۋىمەن ارنايى باتالون، پاترۋلدىك پوليسيا پولكى جانە اۋداندىق پوليسيا باسقارمالارىنىڭ كەزەكشى قىزمەتكەرلەرىمەن تەوريالىق ساباقتار ءوتتى، دەپ حابارلايدى aqshamnews.kz.
ساباقتاردىڭ نەگىزگى تاقىرىبى – تەرروريزم ءقاۋپى تۋىنداعاندا نەمەسە لاڭكەستىك اكت جاسالعان جاعدايدا مەملەكەتتىك ورگاندار مەن قىزمەتتەردىڭ العاشقى ارەكەت ەتۋ الگوريتمى بولدى. ءىس-شارانىڭ باستى ماقساتى – الماتى قالالىق تەرروريزمگە قارسى جەدەل شتابىنىڭ (اگوش) كۇشتەرى مەن قۇرالدارىنىڭ ءاردايىم دايىن بولۋىن قامتاماسىز ەتۋ.
وقۋ شارالارىنا بارلىق سەگىز اۋداندىق پوليسيا باسقارماسىنا قاراستى پاترۋلدىك پوليسيا پولكى مەن ارنايى باتالوننىڭ 400-دەن استام قىزمەتكەرى قامتىلدى. قاتىسۋشىلارعا العاشقى ارەكەت ەتۋشى كۇشتەردىڭ الگوريتمى مەن كەزەكشى قىزمەتتەردىڭ ارەكەت ءتارتىبى تولىق ءتۇسىندىرىلدى.
سونىمەن قاتار، پاترۋلدىك پوليسيا قىزمەتكەرلەرىنە تەرروريزم اكتىسى ورىن العان جاعدايدا ەكيپاجدىڭ نەگىزگى ارەكەتتەرى، جارىلعىش زات نەمەسە كۇدىكتى نىسان تابىلعاندا ەۆاكۋاسيا جانە قورشاۋ ايماقتارىن انىقتاۋ بويىنشا ۇسىنىستار بەرىلدى.
الىنعان ءبىلىم مەن داعدىلاردى پىسىقتاۋ ماقساتىندا جىل سوڭىنا دەيىن پاترۋلدىك پوليسيا پولكى مەن ارنايى باتالون ەكيپاجدارىنىڭ فۋنكسيونالدىق مىندەتتەردى ءبىلۋ دەڭگەيىن تەكسەرەتىن باقىلاۋ شارالارى جوسپارلانعان.
جالپى، مۇنداي شارالار العاشقى ارەكەت ەتۋشى كۇشتەردىڭ كاسىبي دايىندىعىن ارتتىرۋعا جانە تەرروريزم اكتىلەرىنىڭ الدىن الۋ مەن سالدارىن ازايتۋعا ەلەۋلى ۇلەس قوسادى.
ايتا كەتەيىك، اتالعان مەرزىم ىشىندە بۇل وقۋ-جاتتىعۋلار توتەنشە جاعدايلار دەپارتامەنتىنىڭ بارلىق اۋداندىق باسقارمالارىندا دا وتكىزىلدى.