الماتى اكىمى دارحان ساتىبالدى المالى اۋدانىنا جاساعان جۇمىس ساپارى اياسىندا سايران سۋ قويماسى ماڭىن كوركەيتۋ جۇمىستارىنىڭ جاي-كۇيىمەن تانىستى، - دەپ حابارلايدى aqshamnews.kz.
جوبا اياسىندا ۇزىندىعى 2،5 شاقىرىم بولاتىن سەرۋەن جولىن، جاعاجاي ايماعىن، بالالار مەن سپورت الاڭدارىن، ۆەلوسيپەد جانە سكەيتپاركتەردى سالۋ كوزدەلگەن. سونىمەن قاتار سانيتارلىق ايماقتار، پوليسيا مەن قۇتقارۋ بەكەتتەرى دە قاراستىرىلعان.
قالا باسشىسىنا ءوزىنىڭ تاپسىرماسىمەن جۇرگىزىلگەن قالا كەڭىستىگىن قولجەتىمدى ەتۋگە باعىتتالعان جۇمىستار تۋرالى باياندالدى. اتاپ ايتقاندا، تولە بي كوشەسى بويىندا جاعالاۋدان تروتۋارعا شىعاتىن وتكەل جاسالعان، ال اباي كوشەسى جاعىنان پاندۋس ورناتىلعان. جۇبانوۆ كوشەسىنىڭ ەڭ تىك بولىگىندە مۇمكىندىگى شەكتەۋلى ازاماتتارعا ارنالعان جەدەل ساتى سالۋ جوسپارلانىپ وتىر. بۇعان قوسا، ۆارلاموۆ كوشەسى جاعىنان جاسىل جەلەككە زيان كەلتىرمەي، بالالار ارباسىنا ارنالعان اسفالت جول توسەلىپ جاتىر.
"ەگەر ءبىز جاڭا ءبىر جوبانى ىسكە اسىرىپ جاتساق، ونى بىردەن 10-20 جىلعا لايىقتاپ جاساۋىمىز كەرەك. ايتپەسە، ءبىراز ۋاقىتتان كەيىن قايتادان جوندەۋگە تۋرا كەلەدى. بۇل جەردە قالا تۇرعىندارى مەن قوناقتارى ءۇشىن وزىنە ءتان ەرەكشە اتموسفەرا قالىپتاسۋى شارت. ەگەر سايراندى جاڭعىرتىپ، كوركەيتۋگە كىرىسسەك، ول زاماناۋي تالاپتارعا ساي بولۋى كەرەك"، – دەدى قالا اكىمى.
جۇمىس بارىسىندا قوسىمشا ينجەنەرلىك جانە لاندشافتىق شەشىمدەر قابىلداۋ قاجەتتىگى تۋىنداعان. بۇل جوبانىڭ جوبانىڭ ساپاسىن ارتتىرادى، ءبىراق قۇرىلىس مەرزىم ءسال ۇزارتادى.
بۇعان دەيىن دە شاھار باسشىسى بۇل جوباعا قاتىستى ءبىرقاتار ەسكەرتۋ جاساعان بولاتىن. اتاپ ايتقاندا، مەردىگەر – "پاۆلودار وزەن پورتى" اق-نا جۇمىس ساپاسىنا باقىلاۋدى كۇشەيتۋ تاپسىرىلدى.