ءقازىر ەلىمىزدە 2،5 ميلليونعا جۋىق زەينەتكەر تۇرادى، دەپ حابارلايدى aqshamnews.kz
قازاقستاندا ماۋسىم ايىندا زەينەتاقىنىڭ ورتاشا مولشەرى 143 502 تەڭگەگە جەتتى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى.
وسى جىلدىڭ باسىنان بەرى رەسپۋبليكالىق بيۋدجەتتەن 1 ترلن 745،9 ملرد تەڭگە زەينەتاقى تولەنگەن. سونىڭ ىشىندە بازالىق زەينەتاقى – 564،7 ملرد تەڭگە، ىنتىماقتى زەينەتاقى – 1 ترلن 181،2 ملرد تەڭگە.
«2025 جىلعى 1 ماۋسىمداعى مالىمەت بويىنشا، زەينەتكەرلەر سانى – 2 ملن 481 مىڭ ادام. جيىنتىق زەينەتاقىنىڭ ورتاشا مولشەرى 143 502 تەڭگەنى قۇرادى، ونىڭ ىشىندە ىنتىماقتى زەينەتاقى – 95 814 تەڭگە، بازالىق زەينەتاقى – 47 688 تەڭگە»، - دەلىنگەن حابارلامادا.
بيىل 1 قاڭتاردا بازالىق زەينەتاقى تولەمى ينفلياسيانىڭ بولجامدى دەڭگەيىنە سايكەس 6،5%-عا، ىنتىماقتى زەينەتاقى 8،5%-عا، ياعني ينفلياسيا دەڭگەيىنەن 2%-عا اسىرا كوتەرىلگەن بولاتىن.
مينيسترلىك پرەزيدەنتتىڭ تاپسىرماسىمەن 2023 جىلدان باستاپ بەس جىل ىشىندە ەڭ تومەن بازالىق زەينەتاقى ەڭ تومەن كۇنكورىس دەڭگەيىنىڭ 70 پايىزىنا، ال ەڭ جوعارى – 120%-عا دەيىن جىل سايىن كەزەڭ-كەزەڭىمەن ارتادى دەپ بولجام وتىر.