الماتىنىڭ تانىمال تۇرعىندارى نۇر-سۇلتان قالاسىن جانە بارشا قازاقستاندىقتاردى استانا كۇنىمەن قۇتتىقتاۋدا. الماتى قالالىق ارداگەرلەر كەڭەسىنىڭ ءتوراعاسى اقان بيجانوۆ ەلىمىزدىڭ استاناسىن كوشىرۋدەگى تاريحي وقيعانىڭ قالاي بولعانىن ايتىپ بەردى.
ا. بيجانوۆ الماتىلىقتار اتىنان قازاقستاننىڭ بارشا ازاماتتارىن مەرەكەمەن قۇتتىقتاپ، ەلىمىزدىڭ باس قالاسىنا قاتىستى وي-پىكىرىمەن ءبولىستى.
"ق ر تۇڭعىش پرەزيدەنتى نۇرسۇلتان نازاربايەۆتىڭ ايتۋىنشا، “الماتى – تاۋەلسىزدىكتىڭ التىن بەسىگى". كوپتەگەن تاريحي شەشىمدەر ءدال وسى جەردە قابىلداندى. 6 شىلدەدەگى اتاۋلى كۇن ەسىمدە. ءبىز جوعارعى كەڭەس دەپۋتاتتارى جازعى سەسسيانىڭ قورىتىندى وتىرىسىنا كەلدىك. ق ر پرەزيدەنتى ءوز سوزىندە گەوساياسات، ەكونوميكا، سونداي-اق باسقا دا اسپەكتىلەر تۇرعىسىنان استانانى اقمولاعا كوشىرۋگە شەشىم قابىلدادى. بۇل ءبارىمىز ءۇشىن جاڭالىق بولدى. سول كەزدەگى دەپۋتاتتىق كورپۋس كوپشىلىكپەن بىرگە وسى شەشىمدى قابىلدادى. ۋاقىت وتە كەلە بۇل شەشىمنىڭ دۇرىس ەكەنىن كورسەتتى. بۇگىندە نۇر-سۇلتان – ۇلكەن عىلىمي-مادەني ورتالىق ءارى ءبىزدىڭ ماقتانىشىمىز. استانامىز الەمنىڭ كوپتەگەن استانالارى اراسىندا ساۋلەتى، اتموسفەراسى جاعىنان ەرەكشە. مەن وسى وقيعانىڭ كۋاگەرى رەتىندە بارشاڭىزدى استانا كۇنىمەن قۇتتىقتاعىم كەلەدى"، – دەدى ا.بيجانوۆ.