الماتى قالاسى بويىنشا قىلمىستىق-اتقارۋ جۇيەسى دەپارتامەنتىنە قاراستى لا-155/18 مەكەمەسىنىڭ ۇجىمى مەكەمە اۋماعىن كورىكتەندىرۋ ماقساتىندا كوپكە ۇلگى بولار جۇمىس اتقاردى.
بۇدان بۇرىن مەكەمەنىڭ ىشكى القابى مەكەمە قىزمەتكەرلەرىنىڭ كۇشىمەن كورىكتەندىرىلگەن بولاتىن. جاقىندا تەرگەۋ يزولياتورىنىڭ باسشىلىعى مەكەمە اۋماعىن ودان ءارى كورىكتەندىرۋ ءۇشىن اعاش كوشەتتەرىن وتىرعىزدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
اتاپ ايتساق، 23 ءتۇپ بوز ارشا، ءۇش ءتۇپ تيان-شان شىرشاسىن، سەگىز قايىڭ، ەكى كوكشىل شىرشا، بەس تۇكسىز تەرەك پەن 110 ءتۇپ كوپجىلدىق گۇل كوشەتتەرى وتىرعىزىلدى.
الىپ قالانىڭ شەتىندەگى تەرگەۋ يزولياتورىنىڭ عيماراتى - الەمدىك ستاندارتپەن سالىنعان عيمارات. 1400 ادامعا دەيىن ۇستالاتىن مەكەمەگە كەلۋشىلەردىڭ كوپ بولاتىنى زاڭدى. قاماۋداعى تۋىستارىنا سالەمدەمە اكەلەتىندەردى ايتپاعاندا، كۇندەلىكتى جۇمىس پروسەسىمەن قورعاۋشىلار جانە سوت، پروكۋراتۋرا، قوعامدىق باقىلاۋ ۇيىمدارى وكىلدەرىنىڭ لەگى ەش تولاستامايدى.
مەكەمە ۇجىمىنىڭ كۇشىمەن وتىرعىزىلعان جاسىل جەلەك بولاشاقتا مەكەمە اۋماعىنىڭ كوركىنە اينالىپ قانا قويماي، كەلۋشىلەرگە كولەڭكەسىمەن سايا بولارى ءسوزسىز.