«الماتى جىلۋ جەلىلەرى» جشس-نەن ءبىرقاتار زاڭبۇزۋشىلىقتار انىقتالدى
ايىپپۇل سالۋعا ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ الماتى قالاسى بويىنشا دەپارتامەنتىنىڭ «الماتى جىلۋ جەلىلەرى» ج ش س قىزمەتىنە جوسپاردان تىس تەكسەرۋ جۇرگىزۋى نەگىز بولدى، دەپ حابارلايدى Almaty-akshamy.kz
«جۇرگىزىلگەن جوسپاردان تىس تەكسەرۋ ناتيجەسى بويىنشا 2019 جىلدىڭ 1 جەلتوقسانىنان 2021 جىلدىڭ 30 جەلتوقسانىنا دەيىنگى ارالىقتا «الماتى جىلۋ جەلىلەرى» ج ش س تۇتىنۋشىلارمەن تەحنيكالىق ەرەجەلەردى ساقتاماي شارتتار جاساسىپ، جىلۋمەن جابدىقتاۋ قىزمەتتەرىن كورسەتۋدە بۇزۋشىلىقتار جاساعانى انىقتالعان. سونىمەن قاتار تەكسەرۋ اياسىندا الماتى قالاسىن جىلۋمەن جانە ىستىق سۋمەن جابدىقتاۋ قىزمەتىن كورسەتەتىن تابيعي مونوپوليا سۋبەكتىسى بولىپ تابىلاتىن «الماتى جىلۋ جەلىلەرى» ج ش س تۇتىنۋشىلارعا كورسەتىلەتىن قىزمەتكە قول جەتكىزۋ ءۇشىن بىردەي جاعداي جاساماعانى انىقتالدى»، - دەدى تابيعي مونوپوليالاردى رەتتەۋ كوميتەتىنىڭ الماتى قالاسى بويىنشا دەپارتامەنتى.
مونوپولياعا قارسى ورگاننىڭ ماماندارى سونىمەن قاتار التق مەن تۇتىنۋشىلار اراسىنداعى جىلۋمەن جابدىقتاۋ قىزمەتتەرىن كورسەتۋگە ارنالعان شارتتار ۇلتتىق ەكونوميكا ءمينيسترىنىڭ 2019 جىلعى 24 ماۋسىمداعى № 58 بۇيرىعىمەن بەكىتىلگەن ۇلگىلىك شارتتاردان مازمۇنى جاعىنان ەرەكشەلەنەتىنىن انىقتادى.