الماتىداعى مەدەۋ اۋدانىنىڭ وتكەن جىلعى الەۋمەتتىك-ەكونوميكالىق دامۋ قورىتىندىلارى وڭ سەرپىندى كورسەتىپ وتىر. بۇل تۋرالى مەگاپوليس اكىمى ەربولات دوسايەۆ اۋدان تۇرعىندارىمەن كەزدەسۋ بارىسىندا مالىمدەدى، دەپ حابارلايدى aqshamnews.kz.
قالا باسشىسىنىڭ اي̆تۋىنشا، جۇمىس ىستەپ تۇرعان بيزنەس سۋبەكتىلەرىنىڭ سانى 5،2% - عا ارتىپ، 46،2 مىڭعا جەتتى. بولشەك ساۋدا كولەمى 5% - عا ءوسىپ، 1،4 ترلن تەڭگەنى قۇرادى، ال قۇرىلىس سالاسى 38،7% - عا ءوسىپ، 101 ملرد تەڭگەگە جەتتى.
تۋريزم سالاسى دا بەلسەندى دامىپ كەلەدى. 2024 جىلدىڭ 9 اي̆ىندا مەدەۋ اۋدانىنا 430 مىڭنان استام تۋريست كەلدى، ونىڭ ىشىندە 99 290 شەتەلدىك قوناق. بۇل 2023 جىلدىڭ ءساي̆كەس كەزەڭىمەن سالىستىرعاندا 6% - عا كوپ، شەتەلدىك تۋريستەر سانى 10% - عا ءوستى.
بۇل كورسەتكىشتەر مەدەۋ اۋدانىندا سالىق تۇسىمدەرىن 18،7% - عا، 443،1 ملرد تەڭگەگە دەي̆ءىن ۇلعاي̆تۋعا، سونداي̆-اق 8 مىڭ جاڭا تۇراقتى جۇمىس ورنىن قۇرۋعا ىقپال ەتتى.
بەلسەندى ەكونوميكالىق دامۋدىڭ ارقاسىندا اۋدان بيۋدجەتى 2024 جىلى 32% - عا ۇلعاي̆ىپ، 36،1 ملرد تەڭگەگە جەتتى، ال 2025 جىلى تاعى 6،4% - عا ءوسىپ، 38،4 ملرد تەڭگەنى قۇرادى.
قالا جانە اۋدان اكىمدىكتەرى جۇمىستارىنىڭ نەگىزگى باعىتتارى ينجەنەرلىك جانە الەۋمەتتىك ينفراقۇرىلىمدى ودان ءارى جاڭعىرتۋ، سونداي̆-اق جاي̆لى قالالىق ورتانى بەلسەندى دامىتۋ بولادى.