بۇل – 33 جاستاعى س.ەسىمدى ازامات بولىپ شىقتى.
الماتىدا تەلەفون ۇرلاعان ازامات ۆيدەوعا ءتۇسىپ قالدى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
جەتىسۋ اۋداندىق پوليسيا باسقارماسىنىڭ مالىمەتىنشە، ۇرلىق رايىمبەك پەن ءسۇيىنباي داڭعىلدارىنىڭ قيىلىسىنا جاقىن جەردە ورنالاسقان اللەيادا بولعان.
«وقيعا تاڭعى 04:30-دا ءوربىدى. جاستار ورىندىقتا وتىرىپ، بەلگىسىز بىرەۋدىڭ ارتىنان كەلىپ، IPhone تەلەفونىن ۇرلاپ كەتكەنىن بايقاماي قالدى. قاسكويدىڭ قىلمىستىق ارەكەتى بەينەباقىلاۋ كامەراسىنىڭ وبەكتيۆىنە ءتۇسىپ، قىلمىستى اشۋعا جاقسى كومەك بولدى. بۇل – 33 جاستاعى س.ەسىمدى ازامات بولىپ شىقتى. ول ۇستالىپ، ق ر قك-نىڭ 188-بابىندا كوزدەلگەن قىلمىستىق قۇقىق بۇزۋشىلىقتى جاساعانى ءۇشىن قىلمىستىق جاۋاپكەرشىلىككە تارتىلدى»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.