قازاقستاندا جەر بەتىندەگى سۋ كوزدەرىنىڭ ساپاسىن باقىلايتىن 371 گيدروحيميالىق تۇستاما بار.
ەكولوگيا جانە تابيعي رەسۋرستار مينيسترلىگى ەلدەگى پايدالانۋعا مۇلدە جارامسىز سۋ كوزدەرىنىڭ ءتىزىمىن جاريالادى، دەپ حابارلايدى Almaty-akshamy.kz
مينيسترلىك مالىمەتىنە سۇيەنسەك، ەلىمىزدە جەر بەتىندەگى سۋ كوزدەرىنىڭ ساپاسىن باقىلايتىن 371 گيدروحيميالىق تۇستاما بار. ولار 87 وزەن مەن 29 كولدە، 13 سۋ قويماسى مەن 3 ارنادا جانە 1 تەڭىزدە ورنالاسقان. 2023 جىلدىڭ ەكىنشى توقسانىندا وسى تۇستامالاردان الىنعان سىنامالار 9 سۋ وبەكتىسىندەگى سۋدىڭ ساپاسى ىشۋگە تولىق جارامدى ەكەنىن كورسەتكەن. ولار: ەرتىس (پاۆلودار وبل.)، ۋسولكا، اقسۋ (تۇركىستان وبل.)، ارىس، بادام، دەركول، اراسان وزەندەرى، بۇقتىرما، وسكەمەن سۋ قويمالارى.
ال، تەك شارۋاشىلىق سۋمەن جابدىقتاۋعا جارامدى كوزدەردىڭ سانى – 14. ولار: ەلەك (بقو)، جايىق (بقو)، بۇقتىرما، تيحايا، گلۋبوچانكا، ەسەنتاي، ءۇرجار، برەكسا، ۇلكەن الماتى، شىلىك، ەسىك، قارقارا، تۇرگەن وزەندەرى جانە شورتاندى سۋ قويماسى.
سونداي-اق، سۋى ونەركاسىپتىڭ كەيبىر تۇرلەرىنە عانا جارامدى كوزدەردىڭ سانى – 6. ولار: قارا ەرتىس، وبا، ماحوۆكا، سىرداريا (تۇركىستان وبل.)، زاتتار)، ەسىل (سقو)، توعىزاق وزەندەرى.
سۋ پايدالانۋدىڭ ەشبىر تۇرلەرىنە جارامسىز 21 كوز انىقتالىپ وتىر. بۇل قاتاردى ماماندار 5-سىنىپتان جوعارى دەڭگەيدە لاستانعان كوزدەر رەتىندە سيپاتتايدى. ولار: شىڭعىرلاۋ (حلوريدتەر)، قيعاش (قالقىما زاتتار)، اياگوز، كىشى قاراقوجا، قاتتىبوگەن، سارىبۇلاق، نۇرا، اقسۋ (اقمولا وبل.)، قىلشىقتى، سوقىر، قارا كەڭگىر، شەرۋباينۇرا، وباعان، توبىل، اقبۇلاق وزەندەرى مەن شاردارا، جوعارعى توبىل، امانكەلدى، كەڭگىر سۋ قويمالارى.