الماتىدا تەلەفون ساتىپ الامىن دەگەن سىلتاۋمەن جۇرتتى الداعان ەكەۋ ۇستالدى

ەكى ەر ادام تەلەفون ساتىپ الامىن دەگەن سىلتاۋمەن الماتىلىقتاردى سان سوقتىرعان. 

ءتارتىپ ساقشىلارىنىڭ ايتۋىنشا، 23 جاستاعى ا.ەسىمدى ازامات پەن ونىڭ سىبايلاسى 29 جاستاعى ازامات ينتەرنەتتەن تەلەفونداردى ساتۋ تۋرالى جارنامانى ماقساتتى تۇردە ىزدەگەن، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«ودان ءارى تىزبەك كەلەسىدەي بولدى: ولار ساتۋشىلارمەن كەزدەسۋ تۋرالى كەلىسىپ، كورسەتىلگەن سوماعا الدىن الا جالعان ونلاين اۋدارىم تۋرالى تۇبىرتەك دايىنداپ، ساتۋشىعا تۇبىرتەكتى كورسەتىپ، تەلەفوندى الىپ، بەلگىسىز باعىتقا جاسىرىنعان. تاعى ءبىر جاعدايدا قاسكويلەر جالعان تۇبىرتەك دايىنداپ اۋرە بولماۋدى ۇيعاردى: ولار ساتۋشىنى ۇرىپ، ودان تاۋار مەن اقشانى كۇشتەپ تارتىپ الدى. جەدەل ىزدەستىرۋ ءىس-شارالارى بارىسىندا ەكى ايىپتالۋشى دا ۇستالدى. ءقازىر ولاردىڭ كەم دەگەندە ەكى قىلمىسقا قاتىستىلىعى انىقتالدى. ولارعا قاتىستى قىلمىستىق ءىس سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. ۇستالعان ادامدار ءوز كىناسىن مويىندادى»، – دەدى ناۋرىزباي اۋداندىق پوليسيا باسقارماسىنىڭ باستىعى دانيار مەڭدەبايەۆ.

جەدەل ۋاكىلدەردىڭ ءبىر نۇسقاسى بويىنشا الدانعان/تونالعان ادامداردىڭ كوبىرەك بولۋى مۇمكىن. وسىعان بايلانىستى پوليسەيلەر ولاردىڭ بەت-جۇزىن جاريا ەتتى جانە ولاردى تانىعان جاعدايدا مىنا تەلەفون نومىرلەرىنە حابارلاسۋلارىڭىزدى سۇرايدى: 8-747-699-70-02؛ 254-44-62.