الماتىدا ورىنسىز پرانك جاساعان جاستار جاۋاپكەرشىلىككە تارتىلدى، دەپ حابارلايدى aqshamnews.kz Polisia.kz-كە سىلتەمە جاساپ.
الەۋمەتتىك جەلىدە جاس جىگىت پەن قىزدىڭ قوقىس تاستاپ، تازالىقشى ايەلدى دورەكى تۇردە بالاعاتتاپ جاتقان بەينە تارادى. ولار ءوز ارەكەتتەرىن كەلەكە-مازاقپەن سۇيەمەلدەپ، بەينەنىڭ سوڭىندا مۇنىڭ "پرانك" ەكەنىن ايتىپ، كەشىرىم سۇراپ، جابىرلەنۋشىگە اقشا بەرەدى. جاريالانىم قالىڭ جۇرتشىلىقتىڭ نارازىلىعىن تۋدىردى. پايدالانۋشىلار مۇنداي كونتەنتكە نارازىلىعىن ءبىلدىرىپ، جۇمىسشىلاردى قورلاۋعا جول بەرىلمەيتىنىن اتاپ ءوتتى. پوليسيا دەرەۋ جاۋاپ بەردى: قاتىسۋشىلاردىڭ جەكە باسى انىقتالدى، ماتەريالدار سوتقا بەرىلدى. ءىس قارالعان سوڭ، جاستار ۇساق بۇزاقىلىق جاساعانى ءۇشىن اكىمشىلىك جاۋاپكەرشىلىككە تارتىلدى. ەر ادام 10 تاۋلىككە اكىمشىلىك قاماۋعا الىندى.
"ەڭبەك ادامىن قۇرمەتتەمەۋ، اسىرەسە دەمونستراسيالىق جانە قورلاۋ تۇرىندە ورىن الۋى مۇمكىن ەمەس. "پرانك" جاۋاپكەرشىلىكتەن بوساتپايدى. زاڭ بارىنە بىردەي. بەلسەندى ۇستانىمدارى ءۇشىن الاڭداۋشىلىق بىلدىرگەن ازاماتتارعا العىس ايتامىز. بۇل وقيعا ادەپتىلىك شەگىنەن شىعۋعا دايىن جاندارعا ساباق بولادى دەپ سەنەمىز"، - دەدى الماتى قالالىق پوليسيا دەپارتامەنتىندەگىلەر.