ەلىمىزدىڭ رەسپۋبليكالىق ماڭىزى بار جولدارىندا قىزمەت كورسەتۋ نىساندارى اشىلماق

ازىرشە قاراعاندى، اقمولا، جامبىل وبلىستارىنداعى جولداردىڭ بويىندا سالۋ جوسپارلانعان.

 قازاقستاننىڭ رەسپۋبليكالىق، وبلىستىق ماڭىزى بار جولدارىنىڭ بويىندا ءدامحانا، دۇكەندەر، اجەتحانا، جۋىنۋ بولمەلەرى، نامازحاناسى بار 35 زاماناۋي جول بويى قىزمەتى نىسانى سالىنباق، دەپ حابارلايدى اlmaty-akshamy.kz ق ر ييدم تەلەگرام كانالىنا سىلتەمە جاساپ.

 جول بويى قىزمەتى جوباسىنىڭ جەتەكشىسى داۋلەت سەرانوۆتىڭ مالىمەتىنشە، بۇل Comfort اتتى العاشقى كەشەن الماتى-قاپشاعاي تاس جولىندا قازىردەن باستاپ جۇمىس ىستەپ تۇر.

 «بۇل جەردە تەك كولىگىنە جانارماي قۇيىپ قانا قويماي، تاماقتانا الادى. كەرەك-جاراعىن ساتىپ الاتىن شاعىن ماركەت تە بار. ۇزاق ساپارعا شىعاتىن جۇك كولىكتەرى جۇرگىزۋشىلەرىنىڭ دۋشقا تۇسۋىنە بولادى. جايلى اجەتحانالاردى ايتپاعاندا، دارەت الاتىن ارنايى ورىن مەن نامازحانا دا بار»، — دەيدى داۋلەت سەرانوۆ.

 مۇنداي كەشەندەردى قازاقستاننىڭ تۇكپىر-تۇكپىرىنە سالۋ جوسپارلانىپ وتىر. ۇزىن-سانى — 35. ءۇش-تورت جىل ىشىندە وسىنشاما كەشەن قۇرىلىسى اياقتالۋى ءتيىس. بولاشاقتا ودان دا كوپ سالىنۋى مۇمكىن. باستاپقىدا قاراعاندى، اقمولا، جامبىل وبلىستارىنداعى جولداردىڭ بويىندا جاسالماق.

 «بۇل كەشەندەرگە قاجەتتىلىك كۇشەيدى. الەمدىك ستاندارتتارعا ساي زاماناۋي كەشەندەر بارلىق جەرگە سالىنۋى ءتيىس»، - دەيدى داۋلەت سەرانوۆ.