شاراعا 30-دان اسا شاحماتشى قاتىستى
ق ر تاۋەلسىزدىگىنىڭ 30 جىلدىعى مەن جەلتوقساننىڭ 35 جىلدىعىنا وراي الماتى قالاسى قوعامدىق دامۋ باسقارماسىنىڭ قولداۋىمەن حالىقارالىق «جاناشىر» قورى «پاتريوتتىق رۋح - باستى قۇندىلىق» جوباسى اياسىندا شارالار كەشەنىن جالعاستىرۋدا، دەپ حابارلايدى Almaty-akshamy.kz.
2021 جىلعى 10 جەلتوقساندا قالالىق №4 كىتاپحانادا «ازاماتتارعا ارنالعان ۇكىمەت» مك الماتى قالاسى فيليالى قىزمەتكەرلەرى اراسىندا شاحمات، دويبى ويىندارىنان تۋرنير ءوتتى.
ماقساتى - جەلتوقسان ماڭىزىن جاس ۇرپاققا ۇعىندىرا وتىرىپ، پاتريوتتىققا، سالاۋاتتى ءومىر سالتىنا ۇندەۋ، بۇقارالىق تاربيەلىك ءىس شارالارعا قالا جاستارىن تارتۋ، ۇرپاقتار ساباقتاستىعىن قالىپتاستىرۋ.
شاراعا فيليالدىڭ 30-دان اسا شاحماتشىسى قاتىسىپ، سايىسقا ءتۇستى.
ناتيجەسىندە جىگىتتەر اراسىندا ءبىرىنشى ورىندى تۇركسىب اۋداندىق حقو ءبولىمىنىڭ مامانى جاقسىلىق شىنىبەكوۆ، ەكىنشى ورىندى بوستاندىق اۋداندىق حقو ءبولىمىنىڭ مامانى ولجاس زەينۋلانوۆ، ءۇشىنشى ورىندى №1 مامانداندىرىلعان حقو ءبولىمىنىڭ مامانى باقىتبەك ەربول ۇلى مەن جەر كاداسترى باسقارماسىنىڭ مامانى رامازان مۇستافا ۇلى ءوزارا ءبولىستى.
قىزدار اراسىنداعى شاحمات ويىنىندا ناۋرىزباي اۋداندىق حقو ءبولىمىنىڭ مامانى باقتىگۇل بايتەنوۆا جەڭىمپاز اتانسا، ەكىنشى ورىندى جەر كاداسترى باسقارماسىنىڭ مامانى ءلاززات اپپاقوۆا، ءۇشىنشى ورىندى №1 مامانداندىرىلعان حقو ءبولىمىنىڭ مامانى داريعا جۇمالييەۆا مەن مەدەۋ اۋداندىق حقو ءبولىمىنىڭ مامانى اسەم تولەكوۆا يەلەندى.
دويبى ويىنى بويىنشا ناۋرىزباي اۋداندىق حقو ءبولىمىنىڭ مامانى باقتىگۇل بايتەنوۆا، ەكىنشى ورىندى الاتاۋ اۋداندىق №2 حقو ءبولىمىنىڭ مامانى جەڭىس ءسابيت، ءۇشىنشى ورىنعا مەدەۋ اۋداندىق حقو مامانى راۋان دوعدىربەك جانە الاتاۋ اۋداندىق №2 حقو ءبولىمىنىڭ مامانى يلياس ابيلدايەۆتار يە بولدى.
مۇنان باسقا، تۋرنيرگە فيليالدىڭ مۇراعات باسقارماسىنىڭ، №1 الاتاۋ اۋداندىق حقو ءبولىمى، المالى اۋداندىق حقو ءبولىمىنىڭ جانە كوشى-قون قىزمەتتەرى ورتالىعىنىڭ ماماندارى قاتىستى.
تۋرنيرگە جەر كاداسترى ءبولىمىنىڭ مامانى ابەۋستانوۆ ماقسات تورەلىك ەتتى.
ءتۋرنيردىڭ بارلىق جەڭىمپازدارى مەن قاتىسۋشىلارى «ازاماتتارعا ارنالعان ۇكىمەت» مك الماتى فيليالى ديرەكتورىنىڭ، الماتى قالاسى اكىمدىگى قوعامدىق دامۋ باسقارماسى باسشىسىنىڭ جانە حالىقارالىق «جاناشىر» قورى پرەزيدەنتىنىڭ ديپلومدارىمەن جانە باعالى سىيلىقتارمەن ماراپاتتالدى.
ماراپاتتاۋ راسىمىنە اتالمىش ۇيىمداردىڭ باسشىلارى مەن جەلتوقسانشىلار قاتىستى.