الەم جاڭالىقتارى
فرانسيانىڭ پرەمەر-مينيستر جان كاستەكس ەلدە covid-19 پاندەمياسىنىڭ بەسىنشى تولقىنى ءجۇرىپ جاتقانىن مالىمدەدى، دەپ حابارلايدى Almaty-akshamy.kz.
ال، ەلدىڭ دەنساۋلىق ساقتاۋ مينيسترلىگى اۋرۋحاناعا جاتقىزىلعانداردىڭ سانى وسى اپتانىڭ سوڭىندا جىلدام قارقىنمەن ءوسىپ جاتقانىن مالىمدەدى. COVID-19 پاسيەنتتەرىنىڭ كۇندەلىكتى ءوسۋ كورسەتكىشى 61 340 قۇرادى جانە بۇل جاڭا انتيرەكورد.
قازىرگى ۋاقىتتا فرانسيادا 52 189 810 ادام نەمەسە حالىقتىڭ 77،3% - ى ۆاكسينانىڭ ءبىرىنشى كومپونەنتىمەن ەگىلدى، يممۋنداۋدىڭ تولىق كۋرسىنان وتكەندەر سانى 47 742 082، بۇل تۇرعىنداردىڭ 70،7 %. ريەۆاكسيناسيا اياسىندا 11 529 364 ەكپە جاسالدى.
ال، كورشى رەسەي فەدەراسياسىنىڭ 85 ايماعىندا كوروناۆيرۋس ينفەكسياسىن جۇقتىرۋدىڭ ونداعان مىڭ جاعدايى انىقتالدى. وتكەن تاۋلىكتە 30 288 ادامدا ينفەكسيا راستالدى.
«جۇقتىرعانداردىڭ 8% - ىندا اۋرۋدىڭ كلينيكالىق بەلگىلەرى بايقالعان جوق. اۋرۋ سالدارىنان 1 171 ناۋقاس كوز جۇمدى»، - دەلىنگەن ينفەكسيامەن كۇرەس جونىندەگى جەدەل شتابتىڭ حابارلاماسىندا.
جاڭا جاعدايلاردىڭ ەڭ كوپ سانى ماسكەۋدە انىقتالدى – 3 140، سانكت-پەتەربۋرگتە – 2 045 جانە ماسكەۋ وبلىسىندا – 1 833. جالپى، پاندەميا باستالعاننان بەرى رەسەيدە COVID-19 جۇقتىرۋدىڭ 9 986 967 فاكتىسى تىركەلدى.