تاۋەلسىزدىك كۇنى قارساڭىندا مەگاپوليس اكىمى باقىتجان ساعىنتايەۆ جۇمىس ساپارى كەزىندە اباي داڭعىلىنىڭ وتپەلى قوزعالىس اشىلعان ۋچاسكەسىن ارالاپ كوردى، دەپ حابارلايدى اlmaty-akshamy.kz
اباي داڭعىلىندا ناۋرىزباي اۋدانىنىڭ اكىمشىلىك ورتالىعىندا مومىش ۇلى كوشەسىنەن الاتاۋ كوشەسىنە دەيىن ۇزىندىعى 3،5 كم ۋچاسكەنىڭ قۇرىلىسى اياقتالۋدا. ەكى باعىت بويىنشا كولىك قوزعالىسى ءۇشىن ءۇش جولاق قاراستىرىلعان.
ءاشىموۆ كوشەسىنىڭ ۇستىنەن 400 مەترلىك ەستاكادا سالىندى، ونىڭ قوزعالىسىن ايدىڭ سوڭىنا دەيىن اشۋ جوسپارلانۋدا. بۇل تەلىمدە باعدارشاممەن رەتتەلەتىن ۋاقىتشا قوزعالىسىنىڭ سىزباسى ۇيىمداستىرىلعان.
اباي داڭعىلىن ۇزارتۋ جوباسىن ىسكە اسىرۋ بارىسىندا قارعالى وزەنى ارقىلى دا كوپىر سالىندى. اباي داڭعىلىن قالانىڭ باتىس شەكاراسىنا دەيىن ۇزارتۋ كولىكتىڭ كەدەرگىسىز وتۋىنە مۇمكىندىك بەردى.
بۇعان دەيىن رىسقۇلوۆ داڭعىلى مەن ەمسوۆ كوشەسىنىڭ قيىلىسىنداعى جولايرىعى اشىلعان بولاتىن.
مەگاپوليس اكىمى باقىتجان ساعىنتايەۆ قۇرىلىسشىلارعا العىس ايتىپ، ولاردى الداعى تاۋەلسىزدىك كۇنىمەن قۇتتىقتادى. جۇمىسشىلار قىسقا مەرزىمدە كۇردەلى جوبالاردى اياقتادى، سونىڭ ارقاسىندا كولىك ينفراقۇرىلىمى جاقسارىپ، قالا تۇرعىندارىنىڭ موبيلدىلىگى ارتادى.
باقىتجان ساعىنتايەۆ سالىنىپ جاتقان باۋىرجان مومىش ۇلى مەترو ستانسياسىن ارالاپ كوردى، وندا ارلەۋ جۇمىستارى اياقتالىپ، جابدىقتاردى ىسكە قوسۋ-جوندەۋ جۇمىستارى جۇرگىزىلۋدە. اعىمداعى جىلدىڭ سوڭىنا دەيىن باۋىرجان مومىش ۇلى جانە سارىارقا ستانسيالارىن تەحنيكالىق ىسكە قوسۋ جوسپارلانۋدا.
