جىل قورىتىندىسى بويىنشا 5394 پاتەر بەرىلەدى.
الماتى اكىمى باقىتجان ساعىنتايەۆ تاۋەلسىزدىك مەرەيتويىنا ورايلاستىرىلعان سالتاناتتى راسىمدە حالىقتىڭ الەۋمەتتىك وسال توپتارىنان كەزەكتە تۇرعاندارعا پاتەر كىلتتەرىن تاپسىردى، دەپ حابارلايدى Almaty-akshamy.kz
قالانىڭ كوممۋنالدىق تۇرعىن ءۇي قورىنان تۇرعىن ءۇي كەزەگىندە تۇرعان حالىقتىڭ الەۋمەتتىك وسال توپتارىنا 211 پاتەر ءبولىندى. تۇرعىن ءۇي «نۇرلى جەر» مەملەكەتتىك باعدارلاماسى اياسىندا سالىنعان الاتاۋ اۋدانىنداعى «مادەنيەت» تك ورنالاسقان.
ب. ساعىنتايەۆ قالا تۇرعىندارىن كەلە جاتقان تاۋەلسىزدىك كۇنىمەن قۇتتىقتاپ، جاڭا باسپانادا جاقسىلىق پەن باقىت تىلەدى.
جىل باسىنان بەرى 3761 مۇقتاج وتباسى تۇرعىن ۇيمەن قامتاماسىز ەتىلدى. ونىڭ ىشىندە «باقىتتى وتباسى» رەسپۋبليكالىق باعدارلاماسى اياسىندا 156 كوپ بالالى، 43 تولىق ەمەس جانە مۇگەدەك بالالاردى تاربيەلەپ وتىرعان 242 وتباسىلارعا 441 نەسيەلىك زاەم بەرىلدى. «شاڭىراق» باعدارلاماسى بويىنشا 2146 نەسيەلىك قارىز بەرىلدى. قالالىق «الماتى جاستارى» جەڭىلدەتىلگەن نەسيە باعدارلاماسى بويىنشا 926 نەسيە بەرىلدى. كوممۋنالدىق تۇرعىن ءۇي قورىنان 248 پاتەر ءبولىندى.
2021 جىلدىڭ سوڭىنا دەيىن جۇمىس ىستەيتىن جاستار اراسىندا 1050 پاتەردى ءبولۋ اياقتالادى.
جىل قورىتىندىسى بويىنشا 5394 پاتەر بەرىلەدى. ماسەلەن، «باقىتتى وتباسى» رەسپۋبليكالىق باعدارلاماسى شەڭبەرىندە كوپ بالالى، تولىق ەمەس جانە مۇگەدەك بالالاردى تاربيەلەپ وتىرعان وتباسىلار ءۇشىن 1013 كرەديتتىك زاەم بەرىلەدى. «شاڭىراق» باعدارلاماسى بويىنشا – كەزەكتە تۇرعانداردىڭ بارلىق ساناتتارى ءۇشىن 2146 كرەديتتىك زاەم.
«الماتى جاستارى» قالالىق جەڭىلدىكپەن نەسيەلەندىرۋ باعدارلاماسى بويىنشا 926 نەسيە بەرىلدى. كوپبالالى وتباسىلارعا ساتىپ الۋ قۇقىعىنسىز 267 جالدامالى پاتەر بەرىلدى، بۇگىندە 211 پاتەر حالىقتىڭ الەۋمەتتىك وسال توپتارىنىڭ وكىلدەرىنە بەرىلدى. سونداي-اق، 29 جاسقا دەيىنگى جۇمىس ىستەيتىن جاستارعا 1050 پاتەر بەرىلەدى.