الماتى اكىمى باقىتجان ساعىنتايەۆ ورتالىقتىڭ جۇمىسىمەن تانىستى.
«اسىل ميراس» اۋتيزم ورتالىعىنىڭ جاڭا عيماراتى قونايەۆ كوشەسى، 122 مەكەنجايدا ورنالاسقان، دەپ حابارلايدى Almaty-akshamy.kz
ورتالىقتىڭ اۋماعىن ۇلعايتۋدىڭ ارقاسىندا جىلىنا 300-گە جۋىق وتباسى بەيىمدەۋ باعدارلامالارىمەن قامتىلادى.
ب. ساعىنتايەۆ بولات وتەمۇراتوۆ قورىنىڭ قالانىڭ الەۋمەتتىك ماسەلەلەرىن شەشۋگە قوسقان ۇلەسىن اتاپ ءوتتى. «اسىل ميراس» اۋتيزم ورتالىقتارىنىڭ جەلىسى ءاۋتيزمى بار بالالارمەن جۇرگىزىلەتىن تۇزەتۋ جۇمىستارىنىڭ ەتالونى بولا وتىرىپ، ءوزىنىڭ تيىمدىلىگىن دالەلدەدى.
«ورتالىقتىڭ جاڭا عيماراتقا كوشۋى مەكەمە ماماندارىنا كوپتەگەن بالالارعا كومەك كورسەتۋگە مۇمكىندىك بەرەدى»، - دەپ اتاپ ءوتتى ب.ساعىنتايەۆ.
«اسىل ميراس» الماتىدا 2015 جىلى بولات وتەمۇراتوۆتىڭ قورى اشقان العاشقى اۋتيزم ورتالىعى بولدى. وتكەن 7 جىل ىشىندە 2،8 مىڭعا جۋىق بالا اسب بەلگىلەرى بويىنشا دياگنوستيكادان ءوتتى. 1،5 مىڭعا جۋىق بالاعا بىلىكتى كومەك كورسەتىلدى.
ورتالىق ينتەرۆەنسيانىڭ التى باعدارلاماسى بويىنشا جۇمىس ىستەيدى، ولاردىڭ ءارقايسىسى الەۋمەتتىك، سويلەۋ جانە تۇرمىستىق داعدىلاردىڭ تاپشىلىعىن انىقتاۋعا جانە جويۋعا باعىتتالعان.
بالالارعا ىنتىماقتاستىق، سويلەۋدى ءتۇسىنۋ، ۆيزۋالدى قابىلەتتەر مەن وزىنە-وزى قىزمەت كورسەتۋ داعدىلارىن دامىتۋعا مۇمكىندىك بەرەتىن ستۋديالىق پاتەردىڭ كىشىرەك نۇسقاسى بولىپ تابىلاتىن ومىرلىك داعدىلاردى دامىتۋ كابينەتى جابدىقتالعان.
سونداي-اق، اتا-انالارمەن ءاقپاراتتىق-تۇسىندىرۋ جۇمىستارىن جۇرگىزۋ ءۇشىن 30 ورىندى كونفەرەنس-زال بار. ورتالىقتىڭ بارلىق قىزمەتتەرى تەگىن كورسەتىلەدى.
«الماتى اكىمدىگىنە ورتالىقتىڭ العاشقى كۇنىنەن باستاپ ءبىزدىڭ باعدارلامانى قولداعانى ءۇشىن العىسىمدى بىلدىرەمىن. قالا اكىمشىلىگى ۇسىنعان جاڭا عيمارات جىل سايىن اسب بار بالالاردى تاربيەلەپ وتىرعان 300-گە جۋىق وتباسىن بەيىمدەۋ باعدارلامالارىمەن قامتۋعا مۇمكىندىك بەرەدى. بۇل جەردە ءبىزدىڭ ماماندارىمىز اسب دياگنوستيكالاۋعا كومەكتەسەدى جانە بالادا كەرى وزگەرىس انىقتالعان جاعدايدا، ونى جەتىسپەيتىن ومىرلىك داعدىلاردى دامىتۋ جونىندەگى ءتيىستى باعدارلاماعا تىركەيدى»، - دەدى بولات وتەمۇراتوۆ قورىنىڭ قامقورشىلار كەڭەسىنىڭ ءتوراعاسى، دوكتور الماز شارمان.