الماتىدا تارتىپسىزدىك كەزىندە زارداپ شەككەن بيزنەسكە 6،2 ملرد تەڭگەگە جۋىق قارجى تولەندى، دەپ حابارلايدى Almaty-akshamy.kz
2022 جىلعى 18 ناۋرىزداعى شوب سۋبەكتىلەرىنە مۇلىكتىك زياندى انىقتاۋ جونىندەگى وڭىرلىك كوميسسيا وتىرىسىندا كاسىپكەرلەردىڭ جالپى سوماسى 152 ملن تەڭگەگە 31 ءوتىنىمى ماقۇلداندى. ونىڭ ىشىندە 124،5 ملن تەڭگە سوماسىنا 19 ءوتىنىم بيۋدجەت قاراجاتى ەسەبىنەن، 12 ءوتىنىم «جاڭا الاتاۋ» قايىرىمدىلىق قورىنان 27،5 ملن تەڭگەگە قارجىلاندىرىلدى.
الماتىدا كوميسسيانىڭ بارلىعى 17 وتىرىسى ءوتتى، وندا بيزنەستىڭ تارتىپسىزدىكتەر كەزىندە 6،2 ملرد تەڭگە سوماعا زارداپ شەككەن 1 236 ءوتىنىمى ماقۇلداندى، ونىڭ ىشىندە بيۋدجەت قاراجاتىنان 5 033،3 ملن تەڭگە سوماعا 663 ءوتىنىم جانە «جاڭا الاتاۋ» قورىنىڭ قارجىسىنان 158،3 ملن تەڭگە سوماعا 573 ءوتىنىم.
بۇرىندارى InfoKazakhstan.kz سايتىنا كەلىپ تۇسكەن جانە تىركەلگەن بارلىق وتىنىمدەر وڭدەلدى. وڭىرلىك كوميسسيا كەلىپ تۇسكەن جاڭا وتىنىمدەردى قارايدى جانە ءتيىستى شەشىمدەر قابىلدايدى. زارداپ شەككەندەرگە كەلتىرىلگەن زالالدى وتەۋ جونىندەگى جۇمىس جالعاسۋدا جانە ەرەكشە باقىلاۋدا.