ۇقك قىزىلوردا وبلىسى جانە بايقوڭىر قالاسى بويىنشا دەپارتامەنتى كيىك ءمۇيىزىن ساتپاق بولعان ەكى ازاماتتى ۇستادى، دەپ حابارلايدى اlmaty-akshamy.kz ق ر ۇقك باسپا ءسوز قىزمەتىنە سىلتەمە جاساپ.
مەملەكەت باسشىسىنىڭ براكونەرلىككە قارسى كۇرەس بويىنشا ءىس-شارالاردى كۇشەيتۋ جونىندەگى تاپسىرماسىن ورىنداۋ ءۇشىن، 2022 جىلعى 15 ناۋرىزدا ۇقك قىزىلوردا وبلىسى جانە بايقوڭىر قالاسى بويىنشا دەپارتامەنتى تىيىم سالىنعان جانۋارلار دەريۆاتتارىن وتكىزۋ ارەكەتى كەزىندە ەكى ازاماتتى قولعا ءتۇسىردى. پروسەسسۋالدىق ءىس-قيمىلدار بارىسىندا جالپى سالماعى 160 كگ بولاتىن 641 دانا كيىك ءمۇيىزى الىندى.
وبلىستىق ورمان شارۋاشىلىعى جانە جانۋارلار دۇنيەسى ينسپەكسياسىنىڭ دەرەكتەرى بويىنشا قىلمىستىق ارەكەتتەن مەملەكەتكە زالال 1،5 ملرد تەڭگەگە باعالانىپ وتىر.
كۇدىكتىلەرگە قاتىستى سوت قاماۋدا ۇستاۋ تۇرىندەگى بۇلتارتپاۋ شاراسىن سانكسيالادى. سوتقا دەيىنگى تەرگەۋ جۇرگىزىلۋدە.