ىستانبۇلدا جانە تۇركيانىڭ ءبىرقاتار وڭىرلەرىندە قالىڭ قار جاۋدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
ىستانبۇلدا جەكە جانە مەملەكەتتىك مەكتەپتەردە ساباق بولمايدى، جەرگىلىكتى تۇرعىندارعا جەكە كولىك ايداۋدان باس تارتۋعا كەڭەس بەرىلدى. اياعى اۋىر ايەلدەر مەن مۇمكىندىگى شەكتەۋلى جاندارعا دەمالىس جاريالاندى.
دەمالىس كۇندەرى دە قار جاۋادى، وسىعان بايلانىستى Turkish Airlines اۋە كومپانياسى سەنبىگە جوسپارلانعان 100-گە جۋىق رەيستى كەيىنگە شەگەردى.
وتكەن اپتادا قولايسىز اۋا رايىنا بايلانىستى ىستانبۇلدا Turkish Airlines پەن Pegasus كومپانيالارى 200-دەن اسا رەيسىن توقتاتقان ەدى.
جەرگىلىكتى مەتەورولوگيالىق قىزمەتتەردىڭ بولجاۋىنشا، وسى جولى جاۋاتىن قار وتكەن اپتاعا قاراعاندا قالىڭ بولماق.