شاھاردىڭ المالى اۋدانىنىڭ پوليسەيلەرى بىرنەشە پاتەر ۇرلىعىن جاساعان كۇدىكتىنى ۇستادى.
تەرگەۋ دەرەكتەرىنە سايكەس، كۇدىكتى ءبىر تاۋلىك ىشىندە ەكى پاتەرگە زاڭسىز كىرىپ، زەرگەرلىك بۇيىمدار، گادجەتتەر جانە باسقا دا باعالى زاتتاردى ۇرلاعان. قىلمىستار بىرنەشە ساعات ارالىعىندا جانە كورشىلەس اۋلالاردا جاسالعان.
-كۇدىكتىنىڭ جەكە باسى انىقتالدى، ول ۋاقىتشا ۇستاۋ يزولياتورىنا قامالدى. قازىرگى ۋاقىتتا ەكى ۇرلىق دەرەگى بويىنشا جەتكىلىكتى دالەلدەرىمىز بار. سونداي-اق ونىڭ باسقا دا وسىعان ۇقساس قىلمىسقا قاتىسى بولۋى مۇمكىن ەكەنىن جوققا شىعارمايمىز، – دەدى المالى اۋداندىق پب-عا قاراستى پوليسيا ءبولىمىنىڭ باستىعى تيمۋر يمانبەكوۆ.
اتالعان ەكى دەرەك بويىنشا قىلمىستىق ىستەر قوزعالدى. تەرگەۋ جۇرگىزىلۋدە. پوليسيا "زاڭ جانە ءتارتىپ" قاعيداسى اياسىندا ءاربىر قىلمىستىڭ جازاسىز قالمايتىنىن ەسكە سالادى. قالا تۇرعىندارىنىڭ قاۋىپسىزدىگى – باستى باسىمدىق.