الماتىدا ەسترادا جۇلدىزدارى، جاستار ۇيىمدارىنىڭ وكىلدەرى جانە بەلسەندى قالا تۇرعىندارى «تازا قازاقستان» رەسپۋبليكالىق باعدارلاماسى اياسىندا ءوتىپ جاتقان «جارقىن كۇز» اۋقىمدى ناۋقانىنا قاتىستى، دەپ حابارلايدى aqshamnews.kz.
قالاداعى 8 اۋدان تۇرعىندارى كوشە تازالاۋ مەن اعاش وتىرعىزۋ جۇمىستارىنا بەلسەندى اتسالىستى.
سەنبىلىككە قازاقستاننىڭ حالىق ءاريىسى، كومپوزيتور التىنبەك قورازبايەۆ جانە ءانشى اباي بەگەي دە قاتىستى. ارتيستەر قالا تۇرعىندارىن تازالىقتى ساقتاپ، قالاعا قامقورلىق جاساۋدى سەنبىلىك كۇندەرى عانا ەمەس، ۇنەمى جۇرگىزۋگە شاقىردى.
ايتا كەتەيىك، ەكولوگيالىق اكسياعا بارلىعى 10 مىڭنان استام قالا تۇرعىنى قاتىسىپ، 300-دەن استام تەحنيكا، سونداي-اق 1755كوممۋنالدىق قىزمەتكەر جۇمىلدىرىلدى. قالانىڭ ءار تۇكپىرىندە 10 مىڭنان استام كوشەت ەگىلدى، ونىڭ 1200ء-ى الاتاۋ اۋدانىنداعى ALA جاڭا ساياباعىنا وتىرعىزىلدى.