الماتىدا ەسترادا جانە كينو جۇلدىزدارى، اتاقتى سپورتشىلار، بيزنەس وكىلدەرى، قوعامدىق بىرلەستىكتەر مەن قالا تۇرعىندارى الما اعاشىن وتىرعىزۋعا قاتىستى، دەپ حابارلايدى almaty-akshamy.kz
قالانىڭ ءارتۇرلى اۋداندارىندا الما باعىن وتىرعىزۋ مەملەكەت باسشىسىنىڭ باستاماسىمەن «تازا قازاقستان» اكسياسى اياسىندا وتۋدە.
بوكستان ق ر ەڭبەك سىڭىرگەن جاتتىقتىرۋشىسى ەدىلوۆ تۇرسىنعالي قالا تۇرعىندارىن تازالىقتى ساقتاپ، قالانى گۇلدەندىرۋگە تەك سەنبىلىك كۇندەرى عانا ەمەس، تۇراقتى نەگىزدە جۇرگىزۋگە شاقىردى.
«قالا ءارقاشان جاسىل بولۋى ءۇشىن اعاشتارعا كۇتىم جاسايىق. بۇگىن ءبىز مەدەۋ اۋدانىندا اعاش وتىرعىزدىق. كوپ ۇزاماي قالا تۇرعىندارى وسى سۇلۋلىقتى تاماشالايتىن بولادى دەگەن سەنەمىن»، - دەدى ول.
"الماتى - باقشا قالا" اكسياسىنىڭ اياسىندا بارلىعى 8 205 جاسىل جەلەك وتىرعىزىلدى. سونىڭ ىشىندە 4 515 جەمىس، 1 090 جاپىراقتى اعاش پەن 2 600 بۇتا بار.
اعاشتاردى وتىرعىزۋ كەزىندە ەكى جەردەن ونلاين ترانسلياسيا جۇرگىزىلدى: ALA ساياباعى مەن قاراعاي ورمانى.
ەستەرىڭىزگە سالا كەتەيىك، مەگاپوليستە 8 ساۋىردە باستالعان «الماتى – ءبىزدىڭ ورتاق ءۇيىمىز» ناۋقانى جالعاسۋدا.