«تازا قازاقستان» رەسپۋبليكالىق ەكولوگيالىق اكسياسى اياسىندا الماتىدا «الماتى – باقشا قالاسى» اكسياسى اياسىندا جاپپاي الما اعاشتارىن وتىرعىزۋ ءجۇرىپ جاتىر. شاراعا قالا تۇرعىندارىمەن بىرگە مەگاپوليس اكىمى ەربولات دوسايەۆ قاتىستى.
اعاش وتىرعىزۋ ءۇشىن الماتىنىڭ بارلىق اۋداندارىندا ارنايى ورىندار بەلگىلەندى. شاھار باسشىسى مەن قالا تۇرعىندارى باك بويىنداعى ساياباققا 500 الما اعاشى مەن 500 ورىك وتىرعىزدى.
«بۇگىن ءبىز «الماتى – ءبىزدىڭ ورتاق ءۇيىمىز» اتتى تاماشا اكسيامىزدى جالعاستىرىپ جاتىرمىز. سونىڭ اياسىندا ءبىز اعاش وتىرعىزىپ جاتىرمىز. شاراعا قالاعا بەي-جاي قاراي المايتىن تۇرعىندار قاتىسىپ جاتىر. ءبىز دە دەپۋتاتتىق كورپۋس رەتىندە كەلدىك. بۇگىنگى كۇننىڭ ەرەكشەلىگى سول، ءبىز جەمىس اعاشتارىن وتىرعىزۋدامىز. ءبىراز ۋاقىتتان كەيىن ءبىزدىڭ قالا ءوزىنىڭ اپورتىمەن، جەمىس-جيدەكتەرىمەن تانىمال بولىپ، ءوزىنىڭ داڭقىن قايتارادى»، — دەدى الماتى ءماسليحاتىنىڭ دەپۋتاتى ءاسيا اقانوۆا.
اكسياعا قورعانىس مينيسترلىگىنىڭ سپورتشىلارى، ەسترادا جۇلدىزدارى، ءتۇرلى سپورت تۇرلەرىنىڭ چەمپيوندارى، بەلگىلى قوعام قايراتكەرلەرى اتسالىستى.
«ءبىز سسكا سپورتشىلارىمىز. ءالماتى-بىزدىڭ ورتاق ءۇيىمىز. الماتىنىڭ ءتازالىعى-بىزدىڭ دەنساۋلىعىمىزدىڭ كەپىلى"،-دەيدى قورعانىس مينيسترلىگى سپورت كوميتەتىنىڭ وقۋ-جاتتىعۋ ورتالىعىنىڭ باستىعى-سسكا (الماتى فيليالى) مايور بەردەن اقپانبەكوۆ.
- بارلىعى 8 205 جاسىل جەلەك وتىرعىزىلدى، سونىڭ ىشىندە 4 515 جەمىس، 1 090 جاپىراقتى اعاش پەن 2 600 بۇتا.
- "ALA" ساياباعىندا الما باعى پايدا بولدى. قالانىڭ ءار تۇكپىرىندە اۋدان اكىمدىكتەرى الما اعاشتارىن وتىرعىزدى.
- اعاشتاردى وتىرعىزۋ كەزىندە ەكى جەردەن ونلاين ترانسلياسيا جۇرگىزىلدى: ALA ساياباعى مەن قاراعاي ورمانى.
- مەگاپوليستە 8 ساۋىردە باستالعان «الماتى – ءبىزدىڭ ورتاق ءۇيىمىز» ناۋقانى جالعاسۋدا.