ءومىرىن باياندايتىن كىتاپتىڭ تۇساۋى كەسىلدى.
بيىل كەڭەس وداعىنىڭ باتىرى، ۇشقىش تالعات بيگەلدينوۆتىڭ تۋعانىنا - 100 جىل. وسىعان وراي الماتىدا ءوزى قىزمەت ەتكەن قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ قابىرعاسىندا جيىن ءوتتى، دەپ حابارلايدى Almaty-akshamy.kz Almaty.tv سىلتەمە جاساپ.
ءىس-شارادا داڭقتى ۇشقىشتىڭ جارى مەن ارتىنان ەرگەن ءىزباسارلارى بوي كورسەتىپ، ارنايى ءسوز سويلەدى. سونىمەن قاتار، كونفەرەنسيا بارىسىندا ەل باعىنا تۋعان قاھارمان ۇلدىڭ ءومىرىن باياندايتىن كىتاپتىڭ تۇساۋى كەسىلدى.
«قازاق حالقىنان نەبىر كەرەمەت باتىرلار شىققان. ولار ۇلى وتان سوعىسى كەزىندە وق بويى وزىپ ۇلتتىڭ رۋحىن الەمگە اسقاقتاتتى. ەكى رەت كەڭەس وداعىنىڭ باتىرى اتاعىن العان تالعات بيگەلدينوۆتىڭ تۋعانىنا 100 جىل تولۋىنا ارنالعان شارانى وتكىزىپ جاتىرمىز»، – دەدى قازاقستاننىڭ ەڭبەك سىڭىرگەن قايراتكەرى ۇلىقپان سىدىقوۆ.