مۋلتفيلمدە باتىس پەن شىعىستىڭ مادەنيەتى تاماشا ۇيلەستىرىلگەن.
2023 جىلدان باستاپ Nickelodeon تەلەارناسى «شارشى شالبار سپانچ بوب» ءمۋلتفيلمىنىڭ 400-دەن استام سەرياسىن قازاق تىلىندە كورسەتەدى. بۇل تۋرالى اتالعان تەلەارنانىڭ ۆيسە-پرەزيدەنتى ماريا كوساريەۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كەلەسى جىلى كىشكەنتاي كورەرمەندەرىمىز تاماشالايتىن كونتەنتكە قىسقاشا توقتالىپ وتسەم. ول - «كورالل» لاگەرىنىڭ جالعاسى، ياعني «شارشى شالباردىڭ» (سپانچ بوب) بالالىق شاعى. بۇل دوستىق جايىنداعى تاماشا وقيعا جانە ءارتۇرلى ادامداردىڭ ورتاق ءتىل تابىسۋى جايىندا سىر شەرتەدى. مۋلتفيلم - International مەن Nickelodeon ءۇندىستاننىڭ بىرلەسكەن تۋىندىسى»، - دەدى ول ەلوردادا ءوتىپ جاتقان ءى ورتالىق ازيا مەديافورۋمىندا.
ونىڭ ايتۋىنشا، وقيعا جەلىسىندە ەكى اعايىندى ۋاقىت ماشيناسىن تاۋىپ الىپ، ساياحاتقا شىعادى.
مۋلتفيلمدە باتىس پەن شىعىستىڭ مادەنيەتى تاماشا ۇيلەستىرىلگەن.
«جالپى، كەلەسى جىلى كورەرمەن 400-دەن استام سەريانى قازاق تىلىندە تاماشالاۋعا مۇمكىندىك الادى. مۇنان وزگە دە توسىنسىيلار ازىرلەپ جاتىرمىز»، - دەدى ماريا كوساريەۆا.