قاندى وقيعا 2015 جىلى ناۋرىز ايىندا ورىن العان
الماتى پوليسەيلەرى 8 جىل بۇرىنعى كىسى ءولتىرۋ قىلمىسىنىڭ بەتىن اشتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
قاندى وقيعا 2015 جىلى ناۋرىز ايىندا ورىن العان. جەكە جۇرگىزۋشى بولىپ جۇمىس ىستەگەن 60 جاستاعى س. ەسىمدى ازاماتتىڭ ءمايىتى الماتىنىڭ تۇركسىب اۋدانىندا تابىلعان بولاتىن.
سوت-مەديسينالىق ساراپتاما ءولىمنىڭ تۇنشىعۋدان بولعانىن انىقتادى.
"سونىمەن قاتار تاكسي جۇرگىزۋشىسىنىڭ Nissan كولىگىنىڭ جوعالعانى انىقتالدى. ايتپاقشى، ءۇش ەركەكتى قىزىقتىرعانى سول كولىك بولاتىن. كۇدىكتىلەر قاراقشالىق توناۋ جاساپ، اۆتوكولىكتى يەمدەنۋ ماقساتىندا كىسى ءولتىرۋ ارەكەتىن جاساعانىمەن، كولىكتى يەلىك ەتە الماعان. بىرنەشە كۇننەن كەيىن كولىك تابىلدى"، -دەيدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.
قالالىق كريمينالدىق پوليسيا باسقارماسىنىڭ قىزمەتكەرلەرى جوعارىدا اتالعان قىلمىستى جاساعان 30 جاستاعى س. ەسىمدى ازاماتتى، 26 جاستاعى س. ەسىمدى ازاماتتى جانە 29 جاستاعى ب. ەسىمدى ازاماتتى ۇستادى. ولار قاماۋعا الىندى.
ق ر قپك-نىڭ 201-بابى جانە ق ر كونستيتۋسياسىنىڭ نورمالارىنا سايكەس قىلمىستىڭ باسقا دا ءمان-جايلارى جاريا ەتۋگە جاتپايدى.