قوماقتى قارجىنى قولدى ەتكەن كۇدىكتى قاراعاندىعا قاشىپ كەتكەن
قوسشى قالاسىندا كورشىسىنىڭ ۇيىنەن 20 ملن تەڭگە ۇرلاپ كەتكەن كۇدىكتى ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
اقمولالىق پوليسەيلەر 26 اقپان كۇنى قوسشى قالاسىندا ءىرى پاتەر ۇرلىعىن تىركەدى. جابىرلەنۋشىنىڭ مالىمدەمەسىنە سايكەس، ول ءبىر جىل بويى 20 ملن تەڭگە كولەمىندە اقشا جيناپ، جاتىن بولمەسىندە ساقتاعان. ۇرلىق بولعان كۇنى ءوتىنىش بەرۋشىنىڭ ءوزى دە، وتباسىنىڭ باسقا مۇشەلەرى دە ۇيدە بولماعان، ال وقيعا بولعان جەردى تەكسەرۋ بارىسىندا قانداي دا ءبىر بۇزىپ كىرۋ ىزدەرى تابىلمادى، كۇدىكتى ۇيگە كىلتتەردىڭ تەلنۇسقاسىن پايدالانىپ كىرگەن.
ۇرلىق فاكتىسىن پوليسەيلەر ق ر قك-نىڭ 188-بابى (ۇرلىق) بويىنشا سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىندە تىركەدى. دەرەۋ جەدەل ىزدەستىرۋ ءىس-شارالارىنا كىرىستى. قابىلدانعان شارالاردىڭ ناتيجەسىندە كەلەسى كۇنى قوسشى قالاسىنىڭ كريمينالدىق پوليسيا ءبولىمىنىڭ قىزمەتكەرلەرى ءوتىنىش بەرۋشىنىڭ كورشىسىن قاراعاندى قالاسىنىڭ اۋماعىندا قولعا ءتۇسىردى. قازىرگى ۋاقىتتا ۇرلانعان قاراجاتتىڭ ءبىر بولىگى تاركىلەندى.