ولاردى “قۇقىقتىق ءتارتىپ” ءىس-شاراسى اياسىندا قالالىق كريمينالدىق پوليسيا باسقارماسىنىڭ الاتاۋ اۋداندىق پب جانە پوليسيانىڭ ارنايى جاساقتارىنىڭ قىزمەتكەرلەرى ۇستادى.
تاڭعى ساعات بەس جارىمدا شاڭىراق شاعىن اۋدانىندا تۇرىسوۆ كوشەسىندەگى ۇيلەردىڭ ءبىرىن توناپ كەتكەن ەكى ەر ادام – تاجىكستان ازاماتتارى ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ۇستالعان كەزدە كۇدىكتىلەردەن زاتتاي ايعاقتار تاركىلەندى. ولار ق ر قك-نىڭ 188-بابى 3-بولىگى بويىنشا تەرگەلىپ جاتقان قىلمىستىق ءىس ماتەريالدارىنا تىركەلدى. كۇدىكتىلەردىڭ وسىدان بىرنەشە كۇن بۇرىن قالانىڭ اۋەزوۆ اۋدانىندا بولعان پاتەر ۇرلىعىنا قاتىسى بار بولۋى مۇمكىن ەكەنى انىقتالدى. ولاردىڭ باسقا دا قىلمىستارعا قاتىسى بار-جوعى جان-جاقتى تەكسەرىلىپ جاتىر»، – دەيدى الاتاۋ اۋداندىق پوليسيا باسقارماسىنىڭ ءبىرىنشى ورىنباسارى دانيار وماروۆ.
سونىمەن قاتار قاسكويلەردىڭ قالادا جالعا العان Kia كولىكپەن جۇرگەندىگى بەلگىلى بولدى. ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.