كامچى كولبايەۆ تۇتقىنداۋ كەزىندە قازا تاپقان بولاتىن
قىرعىز رەسپۋبليكاسىندا كامچى كولبايەۆتىڭ 720 پاتەرى مەملەكەت مەنشىگىنە بەرىلدى. بۇل تۋرالى مەملەكەتتىك مۇلىكتى باسقارۋ جونىندەگى مەملەكەتتىك اگەنتتىگى ديرەكتورىنىڭ ءبىرىنشى ورىنباسارى مەدەر ماشييەۆ ايتتى، دەپ حابارلادى almaty-akshamy.kz 24.kg-گە سىلتەمە جاساپ.
قىرعىزستان شەنەۋنىگى پاتەرلەردىڭ ءبارى ەرىكتى تۇردە بەرىلگەنىن اتاپ ءوتتى. بۇل ۇيلەردىڭ بارلىعى قىلمىس الەمىنىڭ سەركەسى كامچى كولبايەۆقا تيەسىلى بولعان.
مەدەر ماشييەۆتىڭ ايتۋىنشا، كامچى كولبايەۆتىڭ 38 جىلجىمايتىن مۇلكى دە مەملەكەت مەنشىگىنە وتكەن. ونىڭ ىشىندە عيماراتتار مەن جەر تەلىمدەرى، 15 اكسيا مەن كاسىپكەرلىك سۋبەكتىلەرىنىڭ جارعىلىق كاپيتالىنداعى ۇلەستەرى، سونداي-اق 356 كولىگى بار.
ەسكە سالا كەتسەك، قىلمىس الەمىنىڭ سەركەسى كامچى كولبايەۆ تۇتقىنداۋ كەزىندە قازا تاپقان بولاتىن. وسى وقيعادان كەيىن ۇلتتىق قاۋىپسىزدىك مەملەكەتتىك كوميتەتىنىڭ ءتوراعاسى كامچىبەك تاشييەۆ قىلمىس الەمى سەركەسىنىڭ 820-دان استام پاتەرى بار ەكەنىن، ولار مەملەكەتتىك يپوتەكا ارقىلى حالىققا بەرىلەتىنىن ايتقان.