الماتىدا تاجىك اۋىل شارۋاشىلىعى جانە ونەركاسىپ ونىمدەرىنىڭ كورمەسى وتەدى

26-29 تامىز ارالىعىندا تاجىكستاننىڭ مادەنيەت كۇندەرىن تويلاۋ اياسىندا قازاقستاندا ءبىرقاتار مادەني-بۇقارالىق ءىس-شارا جوسپارلانعان. 

الماتىدا اباي الاڭىندا (دوستىق داڭعىلى مەن اباي داڭعىلىنىڭ قيىلىسى) تاجىكستان رەسپۋبليكاسى حاتلون وبلىسىنىڭ ءتوراعاسى سايد داۆلاتالي مىرزانىڭ قاتىسۋىمەن تاجىك اۋىل شارۋاشىلىعى جانە ونەركاسىپ ونىمدەرىنىڭ كورمەسى وتەدى، دەپ حابارلايدى Almaty-akshamy.kz. 

«الاتاۋ» ءداستۇرلى ونەر تەاترىندا رەجيسسەر نوسير سايدوۆتىڭ «زەركالو بەز وتراجەنيا» كوركەم ءفيلمى كورسەتىلىپ، ەكى ەلدىڭ مادەنيەت جانە ادەبيەت قايراتكەرلەرىنىڭ كەزدەسۋى وتەدى. 

باعدارلامادا سونىمەن قاتار، الماتىدا تاجىكستان رەسپۋبليكاسىنىڭ حالىق شىعارماشىلىعى، ۇلتتىق كيىمدەر، كارتينالار مەن فوتوسۋرەتتەر كورمەلەرىنىڭ اشىلۋ سالتاناتى كوزدەلگەن. 

مادەنيەت كۇندەرىن تويلاۋ تاجىكستان ونەر شەبەرلەرىنىڭ سالتاناتتى كونسەرتىمەن اياقتالادى، وندا تر مادەنيەت ءمينيسترى زۋلفيا داۆلاتزودا قۇتتىقتاۋ ءسوز سويلەيدى. 

باق-ى  +7 705 187 6990 تەلەفون نومىرىنە حابارلاسۋ ارقىلى تىركەلسە بولادى.
ماسرۋر رادجابوۆ، تاجىكستان رەسپۋبليكاسىنىڭ الماتى قالاسىنداعى باس كونسۋلدىعىنىڭ قىزمەتكەرى