24 تامىزدا كەشكىسىن الماتىدا ءال-فارابي كوشەسىنىڭ بويىندا كارىز جۇيەسى جارىلدى.
وسى ماڭدا جۇمىس ىستەپ جۇرگەن زاماناۋي ونەر مۇراجايىن سالۋ ءۇشىن ينجەنەرلىك جەلىلەردى تارتۋمەن اينالىساتىن «پارسەك ltd» ج ش س (نازاربايەۆ داڭعىلىنىڭ وڭ جاق كىرەبەرىسى، وڭتۇستىك-باتىس بۇرىشىندا) جولداعى توپىراقتى شايۋ جۇمىسىن جۇرگىزگەن. سالدارىنان اسفالت جابىندىسى زاقىمدانىپ، كارىز جۇيەسىن جارىپ العان، دەپ حابارلايدى Almaty-akshamy.kz.
قالالىق قىزمەتتەر جول قوزعالىسى قاۋىپسىزدىگىن قامتاماسىز ەتۋ ءۇشىن زاقىمدالعان ۋچاسكەگە جەدەل جوندەۋ جۇمىستارىن جۇرگىزدى.
جۇمىس جۇرگىزۋ بارىسىندا مۇزەيدەن شىققان كارىز جۇيەسى (ديامەترى 50 سم) جول بويىنداعى قۇدىققا كەلىپ جالعانعانى، الايدا جۇرگىزىلگەن جۇمىستاردىڭ ارتىنان توپىراقتى نىعىزداۋ جۇمىستارى جۇرگىزىلمەگەنى انىقتالدى. وسىنداي سالعىرتتىقتىڭ ناتيجەسىندە جولدىڭ بۇزىلۋىنا الىپ كەلگەن.
ءوز جۇمىسىنا سالعىرت قاراعان مەردىگەر ۇيىمعا اكىمشىلىك شارالار قولدانىلادى. جول توسەمىن قالپىنا كەلتىرۋ جۇمىستارى مەردىگەر ۇيىم ەسەبىنەن جۇزەگە اسىرىلادى.
ال اسفالتبەتون توسەۋ جۇمىستارى 26 تامىزدا ساعات 23:00 - دەن 06:00-گە ارالىعىندا جولدى ءىشىنارا جابۋ ارقىلى جۇزەگە اسىرىلاتىن بولادى.