الماتى قالاسى اكىمىنىڭ ورىنباسارى اسقار ءامرين №9 مەكتەپ-ينتەرناتتىڭ جانىندا سالىنىپ جاتقان قوسالقى قۇرىلىستىڭ بارىسىمەن تانىستى.
وسى نىسان بويىنشا قۇرىلىس-مونتاج جۇمىستارى 2021 جىلدىڭ شىلدەسىندە باستالىپ، وتكەن جىلدىڭ قاراشا ايىندا اياقتالۋى ءتيىس بولاتىن. «Barat & Co» ج ش س مەردىگەرلىك ۇيىمىنا قاتىستى جۇمىس ءوندىرىسىنىڭ بۇزىلۋى جانە ساپاسىز ماتەريالداردى قولدانۋ فاكتىلەرى بويىنشا 2022 جىلعى جەلتوقساندا الماتى اكىمدىگى سوتقا تالاپ ارىز بەردى، دەپ حابارلايدى Almaty-akshamy.kz.
الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ 2023 جىلعى 26 ماۋسىمداعى № 7527-23-00-2/3201 شەشىمىمەن «Barat & Co» ج ش س مەردىگەرىنە 6،5 ملن تەڭگە ايىپپۇل سالىندى.
مەردىگەر ۇيىمدارعا 2023-2024 جاڭا وقۋ جىلىنا بارلىق جۇمىستاردى اياقتاۋ تاپسىرىلدى.
بۇگىندە نىسان 99%-عا دايىن. ينجەنەرلىك جەلىلەردى قۇرىلىس الاڭىنىڭ استىنان، سىرتقى قابىرعالار مەن ىشكى بولىمدەردەن كوشىرۋ بويىنشا جۇمىستار اياقتالدى، ارلەۋ جۇمىستارى، تەرەزە بلوكتارى، شاتىر، سىرتقى قاسبەت جانە اۋماقتىڭ پەريمەترى بويىنشا قورشاۋلار ورناتىلدى، سۋمەن جابدىقتاۋ، سۋ بۇرۋ جانە جىلۋمەن جابدىقتاۋدىڭ ينجەنەرلىك جەلىلەرى قوسىلدى.