كۇدىكتى بۇعان دەيىن دە ءىستى بولعان.
الماتىدا تاعى ءبىر شەتەلدىك قالتا ۇرلىعى ءۇشىن ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
قالتا ۇرلىعىن جاساعان وزبەكستان ازاماتى بولىپ شىقتى.
«39 جاستاعى شەتەل ازاماتى سمارتفون ۇرلادى دەگەن كۇدىككە ءىلىندى. د. ەسىمدى ازاماتتىڭ 38-باعىتتاعى قوعامدىق كولىكتە ۇرلىق جاساعانى بەلگىلى بولدى. ول جولاۋشى كۇرتەسىنىڭ قالتاسىنان Samsung تەلەفونىن سۋىرىپ العان. جەدەل ىزدەستىرۋ ءىس-شارالارىنىڭ ناتيجەسىندە كۇدىكتى ۇستالدى. ايعاقتى زات – ۇيالى تەلەفون تاركىلەندى جانە بوتەننىڭ مۇلكىن ۇرلاۋ دەرەگى بويىنشا تىركەلگەن قىلمىستىق ىسكە قوسىلدى. كەلتىرىلگەن ماتەريالدىق شىعىن 120 مىڭ تەڭگەنى قۇرادى. ۇستالعان ازامات ۋاقىتشا ۇستاۋ يزولياتورىنا قامالدى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
كۇدىكتىنىڭ بۇعان دەيىن دە وسىعان ۇقساس قىلمىس جاساعانى ءۇشىن ءىستى بولعانى بەلگىلى بولدى.