قالانىڭ ورتالىق كلينيكالىق اۋرۋحاناسىندا 4 پاسيەنتتىڭ كوزىنە جاڭادان ساتىپ الىنعان امەريكاندىق فاكو-ۆيترالدى اپپاراتتىڭ كومەگىمەن كۇردەلى وتا جاسالدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
ەمدەۋ مەكەمەسىنىڭ باسپا ءسوز قىزمەتى ءمالىم ەتكەندەي، وپەراسيا كوز تورشاسىنىڭ قاباتتالۋى، گەموفتالم، كاتاراكتا دياگنوزدارى بار پاسيەنتتەرگە جاسالدى.
گەموفتالم – بۇل كورۋ ورگانىنىڭ پوليەتيولوگيالىق اۋرۋى، ول قان تامىرلارى مەن شىنىدان قان كەتۋدىڭ بۇزىلۋىنا بايلانىستى داميدى
«بۇل جابدىقتا كوزدىڭ كوزبۇرشاعىنا، سونداي-اق، كوز الماسىنىڭ ارتقى جاعىنداعى كەسىندىسىنە شۇعىل ارالاسۋمەن جاسالدى. جاڭا اپپارات پاسيەنتكە ءبىر ۋاقىتتا قۇرامالى وپەراسيا جۇرگىزۋمەن ەرەكشە. ءبىز ءبىر كۇندە 4 ناۋقاستىڭ كوزىنە كۇردەلى وپەراسيا جاسادىق»، - دەدى ورتالىق قالالىق كلينيكالىق اۋرۋحانانىڭ وفتالمولوگيا بولىمشەسىنىڭ مەڭگەرۋشىسى گۇلزات ابرايموۆا.
ەندى ورتالىق قالالىق كيلينكالىق اۋرۋحانانىڭ وفتالمولوگتارى الماتى قالاسىنىڭ تۇرعىندارىنا كەزىندە كوز اۋرۋلارىنىڭ عىلىمي-زەرتتەۋ ينستيتۋتىندا عانا جۇرگىزىلگەن، اۋىر، جوعارى تەحنولوگيالىق وپەراسيالاردى جاساي الادى.
جاڭا جابدىق وفتالمولوگيالىق حيرۋرگيا ءۇشىن اقش-تاعى جەتەكشى وندىرۋشىلەرىنىڭ بىرىندە جاسالدى.
«مۇندا كوپتەگەن فۋنكسيالار بار. اتاپ ايتسام، قىسىمدى باقىلاۋ جانە جوعارى جىلدامدىقتا دالمە-دال كەسۋ، لازەرمەن ساۋلەلەندىرۋ. بۇل كۇردەلى وپەراسيانى جىلدام جاساۋعا سەپتىگىن تيگىزەدى. تىگۋسىز تەحنولوگيانى پاسيەنت جەڭىل كوتەرەدى»، - دەدى دارىگەر.