قما الماتى قالاسى بويىنشا دەپارتامەنتى «Sincere System Group» (S-Group) كومپانياسىنىڭ وكىلدەرى قارجىلىق پيراميدا قۇرعانىن انىقتاپ، سوتقا دەيىنگى تەرگەۋدى باستادى، دەپ حابارلايدى Almaty-akshamy.kz قما باسپا ءسوز قىزمەتىنە سىلتەمە جاساپ.
قما باسپا ءسوز قىزمەتىنىڭ مالىمەتىنشە، قىزمەتكەرلەر بەلسەندى ازاماتتاردىڭ قاتىسۋىمەن كومپانيانىڭ قىزمەتىن ەرتە كەزەڭدە توقتاتىپ، بۇل الدانعان ينۆەستورلاردىڭ سانىن ازايتۋعا مۇمكىندىك بەردى.
«S-Group كومپانياسىنىڭ وكىلدەرى سالىمشىلارعا ايىنا 6%-دان 8%-عا دەيىن نەمەسە جىلىنا 70%-دان استام جوعارى كىرىستىلىككە ۋادە بەردى. دەپوزيتتىڭ ەڭ تومەنگى سوماسى $100 قۇرايدى. سونداي-اق، سالىمشىلاردى تارتقان جاعدايدا سومانىڭ 5 پايىزى كولەمىندە كەپىلدەندىرىلگەن كىرىس قاراستىرىلعان»،-دەپ جازىلعان قما باسپا ءسوز قىزمەتىنىڭ حابارلاماسىندا.
بۇل رەتتە كليەنتتەرگە اقشانى قابىلداۋ فاكتىسىن راستايتىن قۇجاتتار مەن كەلىسىمدەر ۇسىنىلماعان، سالىم سوماسى جەكە كابينەتتە سيفرلىق تۇردە كورسەتىلىپ، سالىنعان قاراجاتتى الۋ مۇمكىندىگى بولماعان.
«قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە. كۇدىكتىگە قاتىستى «قاماۋ تۇرىندەگى» بۇلتارتپاۋ شاراسى سانكسيالاندى»، -دەپ جازىلعان حابارلامادا.
ەگەر ءسىز جانە ءسىزدىڭ تۋىستارىڭىز «S-Group» كومپانياسىنىڭ قىزمەتىنەن زارداپ شەكسە، الماتى قالاسى بويىنشا ەكونوميكالىق تەرگەۋ دەپارتامەنتىنە نەمەسە قما call-ورتالىعىنا حابارلاسىڭىز.
ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قىلمىستىق-پروسەستىك كودەكسىنىڭ 19-بابىنىڭ 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.