جىل باسىنان بەرى الماتىدا 383 ەسىرتكى قىلمىسى انىقتالىپ، ەسىرتكى ساتۋعا قاتىستى 107 دەرەكتىڭ جولى كەسىلگەن.
ەسىرتكى قىلمىسىنا قارسى كۇرەس باسقارماسىنىڭ مالىمەتىنشە، زاڭسىز اينالىمنان 227 كەلىدەن استام ەسىرتكى زاتتارى تاركىلەندى. ونىڭ ىشىندە، 67 كەلىدەن استام گاشيش، 149،4 كەلى ماريحۋانا جانە 8،1 كەلى سينتەتيكالىق ەسىرتكى. سونىمەن قاتار “سينتەتيكا” شىعاراتىن 7 زەرتحانا جويىلدى، دەپ حابارلايدى Almaty-akshamy.kz.
سونداي-اق قالاداعى ويىن-ساۋىق مەكەمەلەرىندە ەسىرتكى تاراتۋدىڭ 4 دەرەگىنىڭ جولى كەسىلدى. جەدەل ءبولىم جىل باسىنان بەرى 50 بەتبەلگى قويۋشى جانە ق ر قك-نىڭ 299-1-بابىمەن ەسىرتكى رەسۋرستارىن جارنامالاعان 5 ادام ۇستالعانىن حابارلادى. پوليسەيلەر ەرىكتىلەرمەن بىرلەسىپ، 242 پروفيلاكتيكالىق ءىس-شارا جۇرگىزدى 4500-دەن استام گراففيتي سۋرەتىن بويادى.