الماتى قالالىق سوتى 6،5 جىلعا سوتتالعان ەليتالىق ەسكورت قىزدار جەلىسىن ۇيىمداستىرۋشى ايكانىڭ (م.) ءىسىن قايتا قارادى، دەپ حابارلايدى aqshamnews.kz
الماتى قالالىق سوتىنىڭ باسپا ءسوز قىزمەتى ءمالىم ەتكەندەي، بۇعان دەيىن ءبىرىنشى ساتىداعى سوت م.-نى اسا ءىرى مولشەردە پسيحوتروپتىق زاتتى زاڭسىز الۋ، ساقتاۋ جانە تاسىمالداۋ، سونداي-اق 52 ەپيزود بويىنشا جەڭگەتايلىقپەن اينالىسۋ (قك 296-بابىنىڭ 4-بولىگى، 309-بابىنىڭ 2-بولىگىنىڭ 1-تارماعى) بويىنشا كىنالى دەپ تاۋىپ، 6،5 جىلعا باس بوستاندىعىنان ايىرۋ جازاسىن تاعايىنداعان بولاتىن.
- م.: 2023 جىلدىڭ مامىر ايىندا اسا ءىرى مولشەردە مەفەدروندى پسيحوتروپتىق زاتتى ساتۋ ماقساتىنسىز زاڭسىز ساتىپ الىپ، وزىمەن بىرگە تاسىمالداعان. ۇستاۋ كەزىندە پوليسيا قىزمەتكەرلەرى سوتتالۋشىنىڭ سومكەسىنەن پسيحوتروپتىق زات تاركىلەگەن.
- جەڭگەتايلىق: 2020-2023 جىلدار ارالىعىندا م.، ت.-مەن بىرگە جەڭگەتايلىق ۇيىمداستىرىپ، قىزداردى ينتيمدىك قىزمەت كورسەتۋ ءۇشىن پايدالاندى. م. وسى قىزمەتتەردەن جەكە وزىنە نەمەسە ءوز كومەكشىسى ت. ارقىلى پايىز الدى.
سوت ۇكىمى بويىنشا م.-عا 6،5 جىلعا، ال ت.-عا 3 جىل 8 ايعا باس بوستاندىعىنان ايىرۋ جازاسى تاعايىندالدى.
سوت ۇكىمىمەن كەلىسپەگەن ايىپتالۋشىلار اپەللياسيالىق شاعىم تۇسىرگەن. اپەللياسيا، قىلمىستىق ءىستى زەرتتەي وتىرىپ، سوتتالعاندارعا قاتىستى ايىپتاۋدىڭ تولىق راستاۋىن تاپقانىن اتاپ ءوتتى.
اپەللياسيالىق سوتتىڭ شەشىمىمەن العاشقى ۇكىم وزگەرىسسىز قالدىرىلدى. سوت ۇكىمى زاڭدى كۇشىنە ەندى.