الماتى اكىمدىگى رف-دان كەلۋشىلەر سانىنىڭ ارتۋىنا بايلانىستى ارنايى جوسپار بەكىتتى
الماتى اكىمىنىڭ ورىنباسارى ارمان قىرىقبايەۆ وڭىرلىك كوممۋنيكاسيالار قىزمەتىنىڭ بريفينگىندە سويلەگەن سوزىندە بارلىق مەملەكەتتىك ينستيتۋتتار، اسىرەسە كوشى-قون قىزمەتى شتاتتىق رەجيمدە جۇمىس ىستەپ، جاعدايدى باقىلاۋدا ۇستاپ وتىرعانىن حابارلادى، دەپ حابارلايدى Almaty-akshamy.kz.
سپيكەر قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ تاپسىرماسى اياسىندا الماتى قالاسىنىڭ اكىمدىگى رەسەي فەدەراسياسى ازاماتتارىنىڭ كەلۋىنە قاتىستى ارنايى جوسپار دايىنداعانىن حابارلادى.
«22-27 قىركۇيەك ارالىعىندا الماتى قالاسىنا 5 066 رف ازاماتى كەلىپ، 4 172 ادام ورالعان. 894 رەسەيلىك قالا اۋماعىندا قالدى. بۇل ءبىزدىڭ قالا ءۇشىن ۇلكەن كورسەتكىش ەمەس. الماتىنىڭ بارلىق قىزمەتتەرى تۇگەل قاجەتتى جۇمىستى ورىنداۋعا دايىن. مەملەكەتتىك ورگاندار زاڭعا جانە حالىقارالىق مىندەتتەمەلەرگە سايكەس بارلىق قاجەتتى كومەكتى كورسەتەدى. ياعني، ەشقانداي ارتىقشىلىق بولمايدى»، - دەدى ا. قىرىقبايەۆ.
سونداي-اق ول بارلىق مەملەكەتتىك مەكەمەلەر، اسىرەسە كوشى-قون قىزمەتى شتاتتىق رەجيمدە جۇمىس ىستەپ، جاعدايدى باقىلاۋدا ۇستاپ وتىرعانىن باسا ايتتى.
سونىمەن قاتار، قاجەت بولعان جاعدايدا 2000-عا جۋىق توسەك ورىندى ورنالاستىرۋعا بولادى.
الماتى قالاسى اكىمدىگىنىڭ Open Almaty قوعامدىق قابىلداۋىنىڭ تاۋلىك بويى تەگىن كولل-ورتالىعى جۇمىس ىستەيدى. بارلىق وزەكتى سۇراقتار بويىنشا 1308 (ءموبيلدى قازاقستاندىق ۇيالى بايلانىس وپەراتورىنىڭ قوڭىراۋى، تەك الماتى قالاسىندا عانا قولجەتىمدى) جانە +7 727 338 33 88 (قالالىق تەلەفوننان قوڭىراۋ) تەلەفوندارىنا حابارلاسۋعا بولادى.
بۇدان باسقا، كوشى-قون سالاسىنداعى مەملەكەتتىك ساياساتتى ىسكە اسىرۋ ماسەلەلەرى، شەتەل ازاماتتارىنىڭ الماتى قالاسىنىڭ اۋماعىندا بولۋ ەرەجەلەرى بويىنشا جەدەل جەلى ۇيىمداستىرىلدى.: +7 727 254-43-17، +7 727 254-46-97.
ءاربىر اۋدان اكىمدىگىندە كەڭەس بەرۋگە دايىن جاۋاپتى تۇلعالار كەزەكشىلىك ەتەدى.
الاتاۋ اۋدانى اكىمىنىڭ اپپاراتى
299-86-72.
المالى اۋدانى اكىمىنىڭ اپپاراتى
+7 708 683 0294 WhatsApp.
اۋەزوۆ اۋدانى اكىمىنىڭ اپپاراتى
303-25-20،
+7 701 964 3536 WhatsApp.
بوستاندىق اۋدانى اكىمىنىڭ اپپاراتى
274-96-13.
جەتىسۋ اۋدانى اكىمىنىڭ اپپاراتى
384-27-74.
مەدەۋ اۋدانى اكىمىنىڭ اپپاراتى
291-32-69
+7 702 047 42 73 WhatsApp.
ناۋرىزباي اۋدانى اكىمىنىڭ اپپاراتى
305-38-71
+7 708 145 08 01 WhatsApp.
تۇركسىب اۋدانى اكىمىنىڭ اپپاراتى
251-10-07.
سونىمەن قاتار، جەتىسۋ اۋدانىنداعى «قۇلاگەر» شاعىن اۋدانى، سەرىكوۆ كوشەسى، 6ا مەكەنجايىنداعى حقكو-دا رەسەيدەن كەلگەن رەلوكانتتارعا قىزمەت كورسەتۋ جۇمىستارى كۇشەيتىلدى.
جۇمىس كەستەسى: جۇمىس كۇندەرى 9:00-دەن 18:00-گە دەيىن، سەنبى كۇندەرى – 9:00-دەن 13:00-گە دەيىن، جەكسەنبى – دەمالىس.
ءبىرىڭعاي بايلانىس ورتالىعى - 1414.
ايتا كەتسەك، وسى جىلدىڭ 26 قىركۇيەگىندە جسن الۋعا 2070 شەتەلدىك قىزمەت الۋشى جۇگىنگەن. بۇگىن 1700 جۇگىندى، باسەڭدەۋى بايقالادى.
مەگاپوليستە شەتەلدىكتەر كوبەيگەن جاعدايدا، بۇل ازاماتتارعا كەدەرگى جاساماس ءۇشىن قىزمەت كورسەتۋگە قوسىمشا ورىن بولىنەدى.