الماتىدا حالىقارالىق Roche جانە نوبەل كومپانيالارىمەن بىرلەسىپ، ءسۇت بەزى وبىرىنا قارسى دارىلىك پرەپاراتتار ءوندىرىسىن وقشاۋلاۋ جونىندەگى جوبا ىسكە قوسىلدى. جوبا الماتى فارماسيەۆتيكالىق فابريكاسىنىڭ بازاسىندا جۇزەگە اسىرىلىپ وتىر، دەپ حابارلايدى aqshamnews.kz
دەنساۋلىق ساقتاۋ ءمينيسترىنىڭ قاتىسۋىمەن وتكەن كاسىپورىننىڭ اشىلۋ سالتاناتىندا، ونكولوگيالىق اۋرۋلارعا قارسى اسا ماڭىزدى پرەپاراتتاردى قازاقستاندا ءوندىرۋدىڭ قازاقستاندىق پاسيەنتتەر ءۇشىن وبىردى ەمدەۋدىڭ زاماناۋي ادىستەرىنە قولجەتىمدىلىكتى ارتتىرۋعا جانە ءومىر ءسۇرۋ ۇزاقتىعىن جاقسارتۋعا مۇمكىندىك بەرەتىنى اتاپ ءوتىلدى.
مەملەكەت باسشىسى ەلدەگى فارماسيەۆتيكالىق ءوندىرىستىڭ ۇلەسىن فارماسيەۆتيكالىق نارىقتىڭ جالپى كولەمىنىڭ 50%-نا دەيىن جەتكىزۋ مىندەتىن قويعان بولاتىن.
2029 جىلعا دەيىنگى ۇلتتىق دامۋ جوسپارى اياسىندا جاھاندىق فارماسيەۆتيكالىق كورپوراسيالارمەن ارىپتەستىك ورناتۋ، ينۆەستيسيالار تارتۋ جانە ءوندىرىستى وقشاۋلاۋ ءۇشىن تەحنولوگيالار ترانسفەرتى مەن جاڭا ازىرلەمەلەردى ەنگىزۋ شارالارى قاراستىرىلعان. بۇل ەلىمىزدىڭ يمپورتتىق پرەپاراتتارعا تاۋەلدىلىگىن ازايتىپ، ولاردىڭ قۇنىن تومەندەتۋگە جانە وتاندىق پاسيەنتتەر ءۇشىن قولجەتىمدىلىگىن ارتتىرۋعا ىقپال ەتەدى.