كوپتەگەن جىلدار بويى قانت ديابەتىمەن اۋىراتىن 55 جاستاعى ايەل ديابەتتىك تابان سيندرومىنا شالدىققان.
پاسيەنتكە 2-تيپتەگى قان ديابەتى، اياقتاعى كۇرەتامىرلاردىڭ اتەروسكلەروزى دەگەن دياگنوز قويىلعان، دەپ حابارلايدى Almaty-akshamy.kz №4 قالالىق كلينيكالىق اۋرۋحانانىڭ باسپا ءسوز قىزمەتىنە سىلتەمە جاساپ.
حابارلاماعا سۇيەنسەك، وپەراسيا بارىسىندا اياقتاعى كۇرەتامىرلارعا انگيوگرافيا جاسالدى. ناتيجەسىندە تىزەنىڭ استىنداعى جانە ۇلكەن جىلىنشىكتەگى ارتەريالاردىڭ تارىلىپ، ستەنوز پايدا بولعانى انىقتالدى. اياقتاعى ارتەريالارعا انگيوپلاستيكا جاسالدى، قان اينالىمى تولىق قالپىنا كەلتىرىلدى، دەيدى ماماندار.
وتا جاڭا ءادىس بويىنشا جاسالدى. وپەراسيانى قالالىق كلينيكالىق اۋرۋحانادا وتكەن شەبەرلىك كلاسى شەڭبەرىندە ءۇندىستاننىڭ مۋمباي قالاسىنان كەلگەن دارىگەر گيريش مۋكۋد جاسادى.
«ادەتتە مۇنداي جاعدايدا سىرقاتتىڭ اياعىن كەسىپ تاستايدى. بۇل ايەلدىڭ جولى بولدى، ەندى حيرۋرگيالىق وپەراسيا جاساۋعا قاجەتتىلىك جوق»، - دەيدى اۋرۋحانانىڭ رەنتگەن-ەندوۆاسكۋليارلىق حيرۋرگيا ءبولىمى دارىگەرى كاميلا ورازبايەۆا.
ءۇندىستاندىق دارىگەر گيريش مۋكۋدتىڭ ايتۋىنشا، ەنگىزىلىپ وتىرعان جاڭا ءادىس – ينتەرۆەنسيوندىق نەمەسە ەندوۆاسكۋليارلىق حيرۋرگيا – زاقىمدانعان اعزانى سكالپەلسىز، قان تامىرى ارقىلى رەنتگەنەندوۆاسكۋليارلىق ادىسپەن ەمدەۋگە مۇمكىندىك بەرەدى.
شەبەرلىك كلاسى بارىسىندا ءۇندىستاندىق دارىگەردىڭ قاتىسۋىمەن وسىنداي تاعى 4 وتا جاسالدى.
مەديسينالىق ساقتاندىرۋ قورىنىڭ الماتى فيليالى ديرەكتورى تىلەۋحان ابىلدايەۆتىڭ سوزىنە سۇيەنسەك، ءتورت وتا دا مىندەتتى الەۋمەتىك مەديسينالىق ساقتاندىرۋ شەڭبەرىندە قارجىلاندىرىلدى.
«ءبىر جىل بۇرىن №4 قالالىق كينيكالىق اۋرۋحانادا رەنتگەن-ەندوۆاسكۋليارلىق حيرۋرگيا بولىمشەسى اشىلعان بولاتىن. وسى ۋاقىت ىشىندە ميداعى قان تامىرلارىنا 739 ينتەرۆەنسيوندىق وتا مەن جاتىر ارتەريالارىن ەمبوليزاسيالاۋ سىندى مانيپۋلياسيالار جۇزەگە اسىرىلعان. بۇل وپەراسيالاردىڭ ءبارى دە ءمامس پاكەتى شەڭبەرىندە جاسالدى»، - دەدى تىلەۋحان ابىلدايەۆ.