بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە ق ر دەنساۋلىق ساقتاۋ مينيسترلىگى مەديسينالىق جانە فارماسيەۆتيكالىق باقىلاۋ كوميتەتىنىڭ الماتى قالاسى بويىنشا دەپارتامەنتى باسشىسىنىڭ ورىنباسارى مۇرات مۇحامەدياروۆ ءمالىم ەتتى، - دەپ حابارلايدى almaty-akshamy.kz
ۆەدومستۆو وكىلى ولاردىڭ دەپارتامەنتى ەكى باعىتتا جۇمىس ىستەيتىنىن ايتتى: مەديسينالىق قىزمەت كورسەتۋ ساپاسىن باقىلاۋ جانە سالا اينالىسىنداعى دارىلىك زاتتار مەن مەديسينالىق ماقساتتاعى ونىمدەردىڭ ساپاسىن باقىلاۋ.
بريفينگ بارىسىندا مۇرات مۇحامەدياروۆ فارماسيەۆتيكا قىزمەتىندەگى ليسەنزيالاۋ تۋرالى ايتتى.
«بۇل قىزمەتكە دەنساۋلىق ساقتاۋ سالاسىنداعى ەسىرتكى، پسيحوتروپتىق جانە پرەكۋرسورلاردىڭ اينالىمىنا قاتىستى وتىنىشتەر دە كىرەدى. ءبىز تىركەلگەن جانە تىركەلمەگەن دارىلىك زاتتار مەن مەديسينالىق ماقساتتاعى بۇيىمداردىڭ يمپورتى مەن ەكسپورتىن ۇيلەستىرەمىز، جاقسى فارماسيەۆتيكالىق تاجىريبەنى ەنگىزۋگە قاتىسامىز. بۇل تەكسەرىس، ءبىز دە جوسپاردان تىس تەكسەرۋلەرمەن، پروفيلاكتيكالىق باقىلاۋمەن اينالىسامىز»، - دەدى دەپارتامەنت باسشىسىنىڭ ورىنباسارى.
بۇل جۇمىستاعى باعىتتاردىڭ ءبىرى – فارماسيەۆتيكالىق قىزمەتكە ليسەنزيا بەرۋ. قازاقستان رەسپۋبليكاسى ۇكىمەتىنىڭ 2022 جىلعى 2 ناۋرىزداعى No 96 قاۋلىسىمەن مەديسينالىق جانە فارماسيەۆتيكالىق قىزمەتتى ليسەنزيالاۋ تارتىبىنە وزگەرىتەر ەنگىزىلگەنىن ايتا كەتكەن ءجون.
بۇعان دەيىن قالىپتاسقانداي، مەديسينالىق قىزمەت كورسەتۋدى باقىلاۋ جانە دارىلىك زاتتار مەن مەديسينالىق ماقساتتاعى بۇيىمداردىڭ اينالىسىندا مەملەكەتتىك ورگان دەپارتامەنتىنىڭ اۋماقتىق بولىمشەلەرى مەديسينالىق جانە فارماسيەۆتيكالىق قىزمەتتى جۇزەگە اسىراتىن ليسەنزيار بولىپ قالدى. بۇل رەتتە ق ر دسم حالىقتىڭ سانيتارلىق-ەپيدەميولوگيالىق سالاۋاتتىلىعى كوميتەتىنىڭ اۋماقتىق بولىمشەلەرىن ۇيلەستىرۋ تەك ەپيدەميولوگيالىق ماڭىزى جوعارى نىساندار ءۇشىن تالاپ ەتىلدى. ەندى بۇل بارلىق ەپيدەميالىق ماڭىزى بار نىساندارعا ليسەنزيا بەرۋ كەزىندە تالاپ ەتىلەدى.
جۋرناليستەر سۇراعىنا جاۋاپ بەرگەن مۇرات مۇحامەدياروۆ بۇل ليسەنزيادان قانداي جاعدايدا ايىرىلىپ قالۋ مۇمكىن ەكەندىگىنە توقتالدى.
«ليسەنزيانى قايتارىپ الۋ تۋرالى شەشىمدى سوت شىعارادى. ليسەنزيا اجىراعىسىز، ول مەرزىمسىز. ونى ايىرۋدىڭ سەبەبى قاجەتتى ورىننىڭ بولماۋى، بىلىكتىلىك تالاپتارىنىڭ بولماۋى بولۋى مۇمكىن، بۇل مامانداردىڭ فارماسيەۆتيكالىق ءبىلىمى بولماعان جاعدايدا كەزدەسەدى. ونداي جاعدايدا ءبىز حاتتامالىق اكت جاساپ، ليسەنزيانىڭ قولدانىلۋىن توقتاتا تۇرۋ جانە ودان ءارى قايتارىپ الۋ ءۇشىن ادىلەت ورگاندارىنا جىبەرەمىز»، - دەپ ءتۇسىندىردى سپيكەر.
ونىڭ ايتۋىنشا، ءجيى كەزدەسەتىن زاڭبۇزۋشىلىقتاردىڭ ءبىرى – ءدارىحانا ۇيىمدارى مەن مەديسينالىق ۇيىمداردىڭ جاعدايىندا دارىلىك زاتتاردى ساقتاۋ ءتارتىبىن بۇزۋ، سونداي-اق دارىلىك زاتتاردى رەسەپتسىز بەرۋ. باسقا بۇزۋشىلىقتار بولىپ جاتادى، ءبىراق وتە سيرەك.
مىسالى، بيىل قازاقستان اۋماعىندا تىركەلمەگەن دارىلىك پرەپاراتتاردى ساتۋدىڭ ەكڭ فاكتىسى تىركەلدى.
ءارى قاراي مۇرات مۇحامەدياروۆ ءدارىحانالارعا قويىلاتىن تالاپتارعا توقتالدى. ەگەر ءدارىحانانى جەكە كاسىپكەر اشسا، وندا جەكە تۇلعانىڭ جوعارى فارماسيەۆتيكالىق ءبىلىمى بولۋى، ءۇي-جايدىڭ اۋدانىنا قويىلاتىن تالاپتاردى ساقتاۋ (ءدارىحانا ءۇشىن ول كەمىندە 30 شارشى مەتر)، قاجەتتى قۇرال-جابدىق بولۋى كەرەك. مەديسينالىق جانە فارماسيەۆتيكالىق باقىلاۋ كوميتەتىنىڭ دەپارتامەنتىنىڭ سايتىندا ءدارىحانا ۇيىمدارىنىڭ قىزمەتىنە قاتىستى بارلىق نورماتيۆتىك-قۇقىقتىق اكتىلەرمەن تانىسۋعا بولادى. سونداي-اق ابىلايحان كوشەسى، 63 مەكەن-جايى بويىنشا دا جۇگىنۋگە بولادى.
«بۇگىنگى تاڭدا بىزدە 1353 ءدارىحانا ۇيىمى، 341 ديستريبيۋتوردىڭ كوتەرمە قويماسى جانە 32 وندىرىستىك نىسان (ونىڭ ىشىندە 16-سى دارى-دارمەك شىعارۋمەن اينالىسادى) دەرەكتەر بازاسىنان وتەدى»، - دەدى وكق سپيكەرى.
جۋرناليستەردىڭ سۇراقتارىنا جاۋاپ بەرگەن ۆەدومستۆو وكىلى وتىنىشتە كورسەتىلگەن ناقتى ءدارىحاناعا ليسەنزيانىڭ بار-جوعىن، مالىمەتتەردى كورسەتۋ مۇمكىندىگىن قاراستىرۋ تۋرالى وتىنىشپەن نوۆوسيبيرسك قالاسىنداعى 2GIS ازىرلەۋشىلەرىنە جۇگىنگەندەرىن ايتتى. باستىڭ. الايدا 2GIS-تەن ءالى جاۋاپ كەلمەگەن.