جەرگىلىكتى پوليسيا قىزمەتىنىڭ مالىمەتىنشە، وتكەن تاۋلىكتە الماتىدا 163 جول-كولىك وقيعاسى تىركەلدى.
جكو سالدارىنان 48 ادام زارداپ شەگىپ، ءبىر ادام قازا تاپتى. الماتى پوليسياسى جول قوزعالىسىنا قاتىسۋشىلارعا ۇندەۋ جاسادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«اۋا رايىنىڭ ناشارلاۋىنا بايلانىستى جول قوزعالىسىنا قاتىسۋشىلاردى قاۋىپسىزدىك شارالارىن كۇشەيتۋگە شاقىرامىز. كوبىنەسە بۇل ۇندەۋ كولىكتى باسقاراتىن قالا جۇرگىزۋشىلەرىنە ارنالعان. ءبىز ولاردى جول قوزعالىسى ەرەجەلەرىن قاتاڭ ساقتاۋعا، جۇرگىزۋشى مادەنيەتىن تانىتىپ، زەيىندىلىگىن ارتتىرۋعا شاقىرامىز. ادەتتە، اۋا رايىنىڭ ناشارلاۋى، جالپى جول قوزعالىسى جاعدايىنا اسەر ەتەدى. ءبىز اۆتواۋەسقويلاردى كولىكتەرىن قىس مەزگىلىنە الدىن الا دايىنداۋ كەرەكتىگىن، قىسقى دوڭگەلەكتەرگە اۋىستىرۋ قاجەتتىگىن ەسكەرتەمىز. بۇل ۇندەۋ ءقازىر وتە وزەكتى جانە جولدارداعى قايعىلى وقيعالاردىڭ الدىن الۋعا سەپتىگىن تيگىزەدى»، – دەدى الماتى قالالىق پد اكىمشىلىك پوليسيا باسقارماسى باستىعىنىڭ ورىنباسارى بولاتبەك باياتانوۆ.