الماتى اكىمدىگى سۇرىلگەن كوپ قاباتتى ۇيلەردىڭ ورنىنا باسپانا قاي اۋدانداردا سالىنىپ جاتقانىن ءمالىم ەتتى، دەپ حابارلايدى اlmaty-akshamy.kz.
الماتى قالاسى اكىمدىگىنىڭ مالىمەتىنە سۇيەنسەك، 2021 جىلى جەتىسۋ اۋدانىندا ينۆەستورمەن بىرگە سكريابينا كوشەسىندەگى 52 پاتەرلىك 6 ءۇي ءسۇرىلدى. ولاردىڭ ورنىنا 2022 جىلدىڭ ەكىنشى توقسانىندا 304 پاتەرلىك 4 جاڭا ءۇي سالىندى (1ء-شى جانە 2ء-شى كەزەڭ).
ءۇشىنشى كەزەڭنىڭ قۇرىلىسى اياسىندا رايىمبەك داڭعىلىندا ورنالاسقان №265، №265ا ءۇيى بۇزىلدى. سونىمەن قاتار كرىلوۆ كوشەسىندەگى 24 پاتەرلىك ءۇش اپاتتى ءۇي ءسۇرىلىپ، ونىڭ ورنىندا 184 پاتەرلىك 2 ءۇيدىڭ قۇرىلىسى باستالدى.
اۋەزوۆ اۋدانىندا سۇلەيمەنوۆ كوشەسىنىڭ بويىنداعى ءبىرىنشى كەزەڭنىڭ قۇرىلىسى اياسىندا 5 اپاتتى ءۇي (40 پاتەر) بۇزىلىپ، ونىڭ ورنىندا 209 پاتەرلىك 4 ءۇيدىڭ قۇرىلىسى باستالدى.
سونداي- اق سۇلەيمەنوۆ كوشەسىنىڭ باتىسى، جاندوسوۆ كوشەسىنىڭ وڭتۇستىگىندەگى ايماققا قوسىمشا ينۆەستور تارتىلدى. جەكە قۇرىلىس سالۋشى II، V، VI، VII، VIII كەزەڭدەرگە ءۇي سالۋ قۇقىعىن الدى. وسىلايشا، جوبانى اياقتاۋ مەرزىمى بەس جىلعا – 2033 جىلدان 2028 جىلعا دەيىن قىسقاردى.
تۇركسىب اۋدانىنداعى مولداعالييەۆ-ساۋرانبايەۆ-چەرنىشيەۆسكيي-تولستوي كوشەلەرىنىڭ شارشىسىندا 152 پاتەرلىك كوپپاتەرلى 7 تۇرعىن ءۇيدىڭ قۇرىلىسى ءجۇرىپ جاتىر.
ايتا كەتەيىك، الماتى قالاسىنىڭ تۇرعىن ءۇي قورىن جاڭعىرتۋدىڭ 2021-2025 جىلدارعا ارنالعان باعدارلاماسى جەكە ينۆەستيسيا ەسەبىنەن جۇزەگە اسىرىلۋدا.
بۇگىنگى كۇنى «الماتى» الەۋمەتتىك-كاسىپكەرلىك كورپوراسياسى» ۇلتتىق كومپانياسى» اق قالا اكىمدىگىن، «بايتەرەك» ۇلتتىق باسقارۋشى حولدينگى» اق، ق ر يندۋستريا جانە ينفراقۇرىلىمدىق دامۋ مينيسترلىگىن، سونداي-اق ۇلتتىق ەكونوميكا مينيسترلىگىن قوسا العاندا، ۋاكىلەتتى ورگاندارمەن بىرلەسىپ، قارجىلاندىرۋ ماسەلەسىن پىسىقتاپ جاتىر.
«قوسىمشا قارجىلاندىرۋ قۇرىلىس جۇمىستارىنىڭ قارقىنىن ارتتىرادى. بولىنگەن قاراجات توزىعى جەتكەن ۇيلەردى سۇرۋگە، ينۆەستورلاردى ىنتالاندىرۋعا، سونداي-اق اپاتتى جاعدايداعى ءۇي يەلەرىن تۇرعىن ءۇي قورى رەتىندە پايدالانۋعا ارنالعان پاتەرلەرگە قونىستاندىرۋعا جۇمسالادى»، - دەپ اتاپ ءوتتى اكىمدىكتەن.