الماتىدا 2025 جىلى 260 شاقىرىم سۋ قۇبىرى جەلىسى سالىنىپ، قايتا جاڭعىرتىلادى
سۋمەن ساپالى قامتاماسىز ەتۋ ءۇشىن 2025 جىلى 260 كم سۋمەن جابدىقتاۋ جەلىلەرى سالىنىپ، رەكونسترۋكسيالانادى. بۇل الماتى قالاسىنىڭ تۇرعىندارىن سۋمەن قامتۋ دەڭگەيىن 99،6%-دان 99،9%-عا دەيىن ارتتىرادى. بۇل تۋرالى قالا اكىمى ەربولات دوسايەۆتىڭ مەملەكەت باسشىسىنا 2025 جىلى 1-30 ءساۋىر ارالىعىنداعى كەزەڭدەگى ەسەبىندە ايتىلعان، دەپ حابارلايدى aqshamnews.kz
بيىل 30 ساۋىرگە دەيىن 190 كم جەلى سالۋعا جانە جاڭعىرتۋعا 23 كەلىسىمشارت جاسالىپ، 2025 جىلى ءساۋىر ايىندا 16،3 كم سۋ جەلىسى سالىندى.
«اقساي» وزەنىندەگى سۋ الاتىن قۇرىلعىنىڭ قۇرىلىسى 85%-عا ورىندالدى. ال «ەرمەنساي» نىسانى بويىنشا مەردىگەردى تاڭداۋ ءۇشىن 2025 جىلى 9 ساۋىردە بايقاۋ جاريالاندى.
سۋدى ۇنەمدى پايدالانۋ ماقساتىندا 2025 جىلدىڭ باسىنان بەرى 39 مىڭ جەكە سۋ ەسەپتەگىش قۇرىلعى ورناتىلدى، ونىڭ ىشىندە 8،9 مىڭى – ساۋىردە. بۇل ەسەپتەگىشپەن جابدىقتاۋ دەڭگەيىن 2024 جىلعى 67%-دان 2025 جىلدىڭ ساۋىرىندە 75%-عا دەيىن جەتكىزدى. 2025 جىلدىڭ سوڭىنا قاراي بۇل كورسەتكىش 90%-عا جەتەدى دەپ جوسپارلانىپ وتىر.
ايتا كەتەيىك، 2025 جىلدىڭ ءساۋىر ايىندا الماتى اكىمدىگى ازىرلەگەن ءىس-شارالار جوسپارىندا پرەزيدەنت قاسىم-جومارت توقايەۆتىڭ تاپسىرمالارىن ورىنداۋعا ارنالعان الماتى قالاسىن تۇراقتى دامىتۋعا باعىتتالعان 41 ءىس-شارا قاراستىرىلعان. مەملەكەت باسشىسى ءۇشىن تاپسىرمالاردىڭ ورىندالۋ بارىسى تۋرالى ەسەپ بەلگىلەنگەن كەستەگە سايكەس قالىپتاستىرىلادى جانە ۇسىنىلادى.