الماتىدا ءدىني ادەبيەتتەردى تاراتاتىن ورىنداردىڭ ءتىزىمى جاڭارتىلدى

ءتيىستى زاڭ جوباسىنا الماتى قالاسى ءدىن ىستەرى باسقارماسى ۇيىتقى بولدى: ونى بارلىق مۇددەلى ازامات تالقىلاي الادى، دەپ حابارلايدى Almaty-akshamy.kz

الماتى قالاسى ءدىن ىستەرى باسقارماسى «ءدىني ادەبيەتتى جانە ءدىني مازمۇنداعى وزگە دە اقپاراتتىق ماتەريالداردى، ءدىني ماقساتتاعى زاتتاردى تاراتۋ ءۇشىن ارنايى تۇراقتى ءۇي-جايلاردىڭ ورنالاستىرىلۋىن بەكىتۋ تۋرالى» اكىمدىك قاۋلىسىنىڭ جاڭا جوباسىن ازىرلەدى. وسى جوباعا قوسىمشادا ءدىني ادەبيەتتەردى جانە ءدىني مازمۇنداعى وزگە دە اقپاراتتىق ماتەريالداردى تاراتۋعا رۇقسات ەتىلگەن قالا اۋماعىنداعى 29 تۇراقتى ءۇي-جايلاردىڭ ءتىزىمى كورسەتىلگەن. وسى قاۋلىنىڭ جوباسى قازاقستان رەسپۋبليكاسىنىڭ قولدانىستاعى زاڭنامالارىنا قايشى كەلمەيدى جانە نورماتيۆتىك قۇقىقتىق اكتىلەرگە قويىلعان تالاپتارعا جاۋاپ بەرەدى. ول نورماتيۆتىك قۇقىقتىق اكت www.legalacts.egov.kz ينتەرنەت-پورتالدا 07.08.2023 ج. 24.07.2023 ج. دەيىن ورنالاستىرىلعان. بارلىق مۇددەلى ازامات مىنا سىلتەمە بويىنشا جوبانى تالقىلاۋعا قاتىسا الادى:

https://legalacts.egov.kz/npa/view؟id=14641241 

ەستەرىڭىزگە سالا كەتەيىك، «ءدىني قىزمەت جانە ءدىني بىرلەستىكتەر تۋرالى» 2011 جىلعى 11 قازانداعى ق ر زاڭىنىڭ 9-بابىنا سايكەس، ءدىني ادەبيەتتى، ءدىني مازمۇنداعى وزگە دە اقپاراتتىق ماتەريالداردى، ءدىني ماقساتتاعى زاتتاردى تەك قانا عيبادات ۇيلەرىندە (عيماراتتارىندا)، ءدىني ءبىلىم بەرۋ ۇيىمدارىندا، سونىمەن قاتار، وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارى ارنايى بەلگىلەگەن تۇراقتى ءۇي-جايلاردا تاراتۋعا جول بەرىلەدى.  

وسىعان بايلانىستى الماتى قالاسى اكىمدىگىنىڭ 2012 جىلعى 6 قاراشاداعى № 4/945 قاۋلىسىمەن 27 ارنايى تۇراقتى ءۇي-جاي انىقتالدى. اتالعان قاۋلى بەكىتىلگەننەن بەرى زاڭعا وزگەرىستەر ەنگىزىلىپ، نورماتيۆتىك قۇقىقتىق اكتىلەردىڭ مازمۇنى دا تۇزەتۋلەردى تالاپ ەتەتىنى بەلگىلى بولدى. سونىمەن قاتار، تىزىمدە كورسەتىلگەن ءبىرقاتار ۇيىم ءوز قىزمەتىن توقتاتتى. بۇدان بولەك، الماتى قالاسى ءدىن ىستەرى جونىندەگى باسقارماسى جاڭا تۇراقتى ءۇي-جايلاردى بەكىتتى.