الماتى جانە دەمالىس دەسە، كوپشىلىكتىڭ ويىنا بىردەن تاۋ كەلەرى انىق. تاۋ قالامىزدىڭ باستى كوركى دەگەن پىكىرمەن داۋلاسپايمىز. سەبەبى، الماتىنىڭ تاۋ كلاستەرىن كۇللى ەل تۇرعىندارى ماقتانىش ەتەتىنى ءسوزسىز. بۇگىن قالامىزدىڭ سۋ ايدىندارىمەن بايلانىستى كورىكتى جەرلەرى دە بارىن ەسكە سالعىمىز كەلەدى. Aqshamnews.kz ءتىلشىسى قالا تۇرعىندارى اراسىندا جاقسى تانىس 3 دەمالىس ورنىن وقىرماندار ەسىنە سالادى:
1. سايران كولى
سايران كولى - جاساندى سۋ قويماسى، رەكونسترۋكسيالانعان تانىمال دەمالىس ورنى.
سۋرەت: zakon.kz
بۇگىندە مۇندا قايتا قۇرۋ اياسىندا ءتۇبىن تازارتۋ، اۋماقتى سالۋ جانە اباتتاندىرۋ جۇمىستارى اياقتالۋعا جاقىن.
جاعالاۋدا ورىندىقتار، فۋدكورتتار، سكەيتپارك، سپورت الاڭدارى جانە باسقا دا دەمالىس ورىندارى بولادى.
سۋرەت: Zakon.kz
ۇلكەن الماتى وزەنىندە ورنالاسقان سايران كولى 1971 جىلى بۇرىنعى قۇمتاس ماتەريالدارىن ءوندىرۋ كارەرىنىڭ ورنىندا قۇرىلدى. قازىرگى ۋاقىتتا كولدىڭ باتىس جاعالاۋىندا اباتتاندىرىلعان قۇمدى جاعاجاي بار.
2022 جىلى باستالعان قايتا قۇرۋ اياسىندا كول ءتۇبىن تازارتۋ جۇمىستارى جۇرگىزىلىپ، بۇگىندە اياقتالۋعا تاياۋ.
2. اۋەجاي كولi نەمەسە كىشى الماتى توعانى
بۇل توعاننىڭ رەسمي اتاۋى - «كىشى الماتى». اۋەجايعا جاقىن ورنالاسقاننان كەيىن، جۇرتشىلىق ورنى «اۋەجاي» كولى دەپ اتاپ كەتكەن.
سۋرەت: visitalmaty.kz
ول 1960-جىلدارى سالىنعان جانە كىشى الماتى وزەنىنەن قورەكتەنەدى. بۇل — قالاداعى ەڭ ۇلكەن كولدەردىڭ ءبىرى، ونىڭ سۋ كولەمى شامامەن 1 250 000 تەكشە مەتر، ال ورتاشا تەرەڭدىگى — 8 مەترگە جۋىق. كەڭەس زامانىندا بۇل كول الماتىلىقتاردىڭ شومىلىپ، جاعاجايدا دەمالاتىن تانىمال ورىندارىنىڭ ءبىرى بولعان.
بۇگىندە كولگە شومىلۋعا رەسمي تۇردە تىيىم سالىنعانىمەن، ول كوپتەگەن تۇرعىندار ءۇشىن دەمالىس ورنى رەتىندە قالا بەرۋدە. 2024 جىلى كول ءتۇبىن تازارتۋ جۇمىستارى جۇرگىزىلىپ، ونىڭ ەكولوگيالىق جاعدايى جاقساردى. اۋەجاي كولى بيوالۋانتۇرلىلىكتى ساقتاۋ ءۇشىن دە ماڭىزدى، سەبەبى ونىڭ ماڭىندا ءتۇرلى قۇستار مەن جانۋارلار مەكەندەيدى.
3. پەرۆومايسكيە پرۋدى
بۇل — الماتى قالاسىنىڭ ماڭىنداعى دەمالىس ايماعى. بۇل — بىرنەشە سۋ ايدىنىنان تۇراتىن كەشەن، 2017 جىلى قايتا جوندەلىپ، اباتتاندىرىلعان. قازىرگى تاڭدا بۇل جەر جاعاجاي دەمالىسىنا ارنالعان تانىمال ورىنداردىڭ ءبىرى سانالادى. مۇندا جاعاجايلار، مەيرامحانالار، ءدامحانالار، بالالار الاڭدارى، ۆولەيبول الاڭدارى جانە سۋعا بايلانىستى اتتراكسيوندار بار.
سۋرەت: ۆيدەودان سكرين؛ pervomayskie_prudi ينستاگرام پاراقشاسىنان
دەمالىس ايماعى قالا قاربالاسىنان الىستاپ، تابيعات اياسىندا تىنىعىپ، جايلى دەمالۋعا بولاتىن ورىن.
بۇل توعاندار 1960-جىلدارى تەرەڭقارا وزەنىنە بوگەتتەر سالۋ ارقىلى جاسالعان. باستاپقىدا ولار ەگىستىك القاپتارىن سۋارۋ، سۋ قورىن رەتتەۋ جانە بالىق ءوسىرۋ ماقساتىندا پايدالانىلعان. 2017 جىلى جۇرگىزىلگەن اۋقىمدى قايتا قۇرۋ جۇمىستارىنىڭ ناتيجەسىندە بۇل ايماق دەمالىس ورنىنا اينالدى.
سۋرەت: restolife.kz
اسەم قالا - الماتى سان الۋان تابيعات كورىنىستەرىنە باي. جوعارىدا اتالعان دەمالىس ورىندارىندا ءالى دە بولىپ كورمەسەڭىز، الداعى دەمالىس كۇندەرىن سۋ ايدىندارىنىڭ جاعاسىندا ەستەن كەتپەستەي وتكىزۋگە بولادى. ءبىراق سۋ جاعاسىندا قاۋىپسىزدىكتى ەستەن شىعارماعان ابزال.
وقىس وقيعا بولماس ءۇشىن، قۇتقارۋشىلار ۇسىنعان ساقتىق شارالارىن ەسكە سالامىز.
- سۋدىڭ جاعاسىندا بالالاردى قاراۋسىز قالدىرماڭىز؛
- جۇزە الماساڭىز، سۋعا تەرەڭدەپ بويلاماڭىز؛
- سۋعا تۇسكەندە بىر-بىرىڭىزدەن كوز جازىپ قالماڭىز؛
- ارناۋلى بەلگى قويىلعان جەردەن الىسقا ۇزاماڭىز؛
- كوپىردەن، جاعادان، قايىقتان سۋعا سەكىرمەڭىز؛
- تۇندە دە سۋعا تۇسپەڭىز.
دەمالىستارىڭىز ويداعىداي ءوتسىن!