قازاقستاندىق لوۋكوستەر FlyArystan جازعى ماۋسىمعا ارنالعان ارنايى ۇسىنىستى ىسكە قوسقانىن حابارلايدى: ZHAZ2025 پروموكودىن ەنگىزۋ ارقىلى اۋەبيلەتتەرگە 7% جەڭىلدىك بەرىلەدى.
ناۋقان اياسىندا قازاقستاننان تۇركياعا، گرۋزياعا، وزبەكستانعا جانە قىرعىزستانعا باعىتتار قامتىلادى، سونداي-اق ىشكى باعىت بويىنشا اتىراۋ مەن اقتاۋ اراسىنداعى رەيستەرگە دە جەڭىلدىك قولدانىلادى.
ZHAZ2025 پروموكودى ارقىلى 7% جەڭىلدىكپەن بيلەتتەردى 2025 جىلعى 19 – 22 ماۋسىم ارالىعىندا تەك www.flyarystan.com رەسمي سايتىندا نەمەسە FlyArystan ءموبيلدى قوسىمشاسىندا* ساتىپ الۋعا بولادى.
ناۋقانعا كەلەسى باعىتتار قاتىسادى:
- الماتى – ىستىقكول – الماتى
- اتىراۋ – تاشكەنت – اتىراۋ
- قاراعاندى – ىستامبۇل – قاراعاندى
- اقتاۋ – ىستامبۇل – اقتاۋ
- اقتاۋ – كۋتايسي – اقتاۋ
- اتىراۋ – كۋتايسي – اتىراۋ
- شىمكەنت – كۋتايسي – شىمكەنت
- استانا – بىشكەك – استانا
- اتىراۋ – اقتاۋ – اتىراۋ
ۇسىنىس 2025 جىلعى 19 ماۋسىمنان باستاپ ورىندالاتىن رەيستەرگە قولدانىلادى جانە ساياحات بويىنشا شەكتەۋ قويىلمايدى (جاريالانعان رەيس كەستەسىنە سايكەس).
FlyArystan جولاۋشىلارعا ساپارلارىن الدىن الا جوسپارلاپ، ءتيىمدى باعادا بيلەتتەردى برونداۋعا كەڭەس بەرەدى. اۋەبيلەت باعاسىنا ءبىر باعىتقا ارنالعان بيلەت، سالماعى 5 كگ-نان جانە ولشەمدەرى 56 × 23 × 36 سم-دەن اسپايتىن ءبىر دانا قولجۇگى، سونداي-اق بورتتاعى كەزدەيسوق ورىن كىرەدى. قوسىمشا قىزمەتتەردى جولاۋشىلار FlyArystan رەسمي سايتىنان نەمەسە ءموبيلدى قوسىمشاسىنان راسىمدەي الادى.
*ءبىر برونداۋمەن بىرنەشە جولاۋشى ءۇشىن 7% جەڭىلدىكپەن بيلەتتەردى www.flyarystan.com رەسمي سايتىندا راسىمدەۋگە كەڭەس بەرەمىز. ءموبيلدى قوسىمشادا 7% جەڭىلدىكپەن بيلەت ساتىپ الۋ برونداۋدا تەك ءبىر جولاۋشى بولعان جاعدايدا عانا قولجەتىمدى.
FlyArystan تۋرالى:
FlyArystan – Air Astana توبىنىڭ 100% ەنشىلەس كومپانياسى بولىپ تابىلاتىن قازاقستاندىق لوۋكوستەر. ول ءوز قىزمەتىن 2019 جىلدىڭ مامىر ايىندا باستادى. 2025 جىلدىڭ قاڭتار ايىنان باستاپ FlyArystan ءوز سەرتيفيكاتىمەن، FS كودى بويىنشا تاۋەلسىز اۋەكومپانيا رەتىندە قىزمەت كورسەتۋدە. اۋەكومپانيا الماتى، استانا جانە اقتاۋ قالالارىندا ورنالاسقان بازالارىنداعى زاماناۋي A320 ۇشاقتارىنان قۇرالعان اۋە پاركىمەن كەڭ اۋقىمدى مارشرۋتتار جەلىسى بويىنشا رەيستەر ورىندايدى. FlyArystan مارشرۋتتار جەلىسى ىشكى جانە حالىقارالىق رەيستەردى، سونداي-اق چارتەرلىك باعىتتاردى قامتيدى. FlyArystan 2023، 2024 جانە 2025 جىلدارى ءۇش رەت Skytrax World Airline Awards تاراپىنان ورتالىق ازيا جانە تمد-نىڭ ەڭ ۇزدىك بيۋدجەتتىك اۋەكومپانياسى دەپ تانىلدى.